InfoHub Logo

Bir kisi dárigerge kelip qatty kúızelip, júıkesi tozyp bara jatqandyǵynan shaǵymdanady. Biraq jasalýy qajetti kóp jumystary bar ekendigin, kidirtýge bolmaıtyndyǵyn aıtady. Dáriger:

- Bul jumystaryńyzdy basqa adam isteı almaı ma? Nemese basqa adam sizge kómekshi bola almaı ma?- dep suraıdy. Álgi kisi:

- Joq, bul isti men ǵana atqara alamyn. Barlyq jumystar bir ózime qarap tur.

- Sizge em retinde bir resept jazyp bereıin, osy resepttegi jazylǵandardy oryndasańyz jazylasyz,- dep qaǵazǵa resept jazyp naýqasqa usynady. Naýqas reseptti oqyp tań qalady. Reseptte: Kúnde eń kem degende eki saǵatqa jumysty toqtatyp, jaıaý serýendeý kerektigi jáne aptasyna bir kúnniń jartysyn mazarat ishinde serýendeý kerektigi jazýly edi. Dárigerge qarap:

- Serýendeý kerek ekenin túsindim, biraq nege mazarat, meniń dertime mazardyń ne qatysy bar? -deıdi.

- Mazaratqa baryp qabirlerdi kórińiz. Ol jer ózin orny toltyrylmas, ornyn eshkim basa almaıtyn adammyn dep oılaǵan pendelerge toly. Sen de solar sekildi qabirge kómilgenińde, seniń eshkim isteı almaıdy degen isterińdi basqalardyń istep júrgenin kóresiń...

Shynynda da ózin eshkim ornyn basa alaıtyn adam, men bolmasam jumys toqyrap qalady dep oılaıtyn, al negizinde ol jerdegi shynaıy kedergi ózi ekendigin bilmeıtin adamdar úshin de bul dárigerdiń resepti oryndy emes pe?... 

---