Pákistan Trampty Nobel syılyǵyna usyndy – AQSH eks-prezıdenti bul marapatqa laıyq dep sanaıdy, biraq alatynyna senbeıdi
Pákistan úkimeti Donald Trampty beıbitshilik salasyndaǵy Nobel syılyǵyna usyndy. El bıligi AQSH-tyń burynǵy prezıdenti Úndistan men Pákistan arasyndaǵy shıelenisti báseńdetýge jáne aımaqtaǵy turaqtylyqty saqtaýǵa úlken úles qosty dep esepteıdi.
Islamabadtyń málimdeýinshe, Tramp eki ıadrolyq derjava – Úndistan men Pákistan arasyndaǵy qatynasty dıplomatıalyq jolmen retteýde «strategıalyq kóregendik pen memlekettik danalyq» tanytqan. Bul týraly Pákistan úkimeti X (burynǵy Twitter) jelisindegi resmı paraqshasynda habarlady.
Aıta keteıik, Tramp buǵan deıin de Nobel syılyǵyna usynylǵan bolatyn. 2021 jyly ol sońǵy 30 jylda soǵys bastamaǵan alǵashqy AQSH prezıdenti retinde kandıdattar tizimine engen edi.
Truth Social áleýmettik jelisinde pikir bildirgen Tramp:
«Men bul marapatqa ábden laıyqpyn, biraq ony eshqashan almaımyn», – dep jazdy.
Úndistan men Pákistan arasyndaǵy oq atýdy toqtatý týraly kelisimniń AQSH-tyń araǵaıyndyǵymen qalaı júzege asqany týraly tolyq aqparatty osynda oqýǵa bolady.
You Might Also Like
-
Ulysmedia bas redaktory Samal Ibraevaǵa kıbershabýyl jasalyp jatqandyǵyn málimdedi,dep jazady Infohab tilshisi.
-
Pavlodar oblysy, Aqsý qalasynda qatty jeldiń saldarynan jantúrshigerlik jaǵdaı tirkeldi. Jol boıynda kele jatqan taksıdiń ústine aǵashtyń aýyr butaǵy qulap, saldarynan kólik ishindegi jolaýshy — 1968 j...
