InfoHub Logo

Italıada ótip jatqan Paralımpıada-2026 oıyndarynda 8 naýryz kúni Qazaqstan quramasynyń sportshylary parabıatlonnan baq synady. Bul kún elimizdiń parasportshylary úshin ekinshi jarys kúni boldy.

Bul týraly Infohub.kz aqparat agenttigi habarlaıdy.

Parabıatlon: Erler arasyndaǵy jarys

Erler arasyndaǵy parabıatlonnan 12,5 shaqyrymdyq jekeleı jarysta otyryp jarysýshylar sanatynda Erbol Hamıtov, Sergeı Ýsolsev jáne Iýrıı Berezın synǵa tústi. Erbol Hamıtov jarystyń úzdik nátıjesin kórsetip, altynshy oryndy ıelendi. Ol jarys jeńimpazynan 2 mınýt 46 sekýnd qalyp qoıdy. Al Sergeı Ýsolsev 21-shi, Iýrıı Berezın 22-shi oryndy ıelendi.

Turyp jarysýshylar sanatynda qazaqstandyq Aleksandr Gerlıs óner kórsetti. Ol tórt atys nysanasynda úsh ret qatelesip, jarysty 9-shy orynmen aıaqtady. Jeńimpazdan 2 mınýt 55,7 sekýndqa kesh qaldy. Bul jarysqa barlyǵy 19 sportshy qatysty.

Paralımpıada oıyndary týraly

XIV qysqy Paralımpıada oıyndary 6-15 naýryz aralyǵynda Italıada ótýde. Oıyndarda parashańǵy, parabıatlon, koláskamen kórlıng, parasnoýbord, taý shańǵysy jáne parahokkeı sıaqty sport túrlerinen 79 medal jıyntyǵy sarapqa salynady.

Bıylǵy dodada Qazaqstannan 7 sportshy qatysýda. Olar: parabıatlon jáne parashańǵy jarystaryna Erbol Hamıtov, Aleksandr Gerlıs, Sergeı Ýsolsev jáne Iýrıı Berezın, al parashańǵy jarysyna Nurlan Álimov, Anna Gracheva jáne Vladıslav Kobal.