InfoHub Logo

Pavlodarda eki balasyn terezeden laqtyryp, keıin ózi de sekirip ketken áıel týraly mańyzdy derek shyqty

Kópqabatty úıdiń terezesinen eki balasyn laqtyrǵan Pavlodar turǵyny aýrýhanadan shyǵaryldy, dep habarlaıdy Infohub.kz.
Terezeden sekirgen 33 jastaǵy áıeldiń jaǵdaıy jaqsaryp, aýrýhanadan shyqty. Ol 1,5 jáne 7 jastaǵy eki ulyn besinshi qabattyń kireberis terezesinen laqtyryp jiberip, keıin ózi sekirgen edi. Qaıǵyly oqıǵa shilde aıynda kópqabatty úıdiń aýlasynda oınap júrgen mektep oqýshylarynyń kóz aldynda boldy. Balalar aldymen áıeldiń úlken ulyn terezeden ıterip jibergenin, sodan keıin kishisin laqtyrǵanyn, sosyn ózi sekirgenin kórdi. Turǵyndar jedel járdem shaqyryp, naýqastar aýrýhanaǵa jetkizildi.

Pavlodar oblysynyń densaýlyq saqtaý basqarmasy áıeldiń bir jarym jastaǵy balasynyń ómiri úshin kúresti. Sábı aýrýhanaǵa jetkizilgende klınıkalyq ólim jaǵdaıynda bolǵan. Dárigerler shuǵyl túrde reanımasıalyq kómek kórsetip, keıin balany jansaqtaý bólimine aýystyrdy. Onyń jaǵdaıy asa aýyr, sebebi III dárejeli jaraqattyq shok tirkelgen edi. Bala komada, bas súıeginiń kólemdi jaraqaty, mı men ishki aǵzalardyń zaqymdanýy anyqtalǵan. Ókinishke qaraı, kishkentaı bala 2 kúnnen keıin aýrýhanada kóz jumdy.
Al áıeldiń úlken uly 14 tamyz kúni emdelip shyqty.