InfoHub Logo

Pavlodarda M. Kataev atyndaǵy oqýshylar saraıynda robot tehnıkasy boıynsha oblystyq jarys ótti, dep habarlaıdy pavlodarnews.kz.

 Sharaǵa óńirdegi jalpy bilim beretin jáne mamandandyrylǵan mektep oqýshylary men qosymsha bilim berý uıymdarynyń tárbıeleýshilerinen, kolej stýdentterinen quralǵan 18 komandada 40-qa jýyq ónertapqysh qatysty.

 «QazRobotıks» QB uıymdastyrǵan chempıonat aıasyndaǵy jarysta jas órender «Syzyqtar boıynsha jarystar», «Kegelrıng», «Robosýmo» kezeńderinde óz jumystaryn usyndy. Sonymen qatar, «Slalom» boıynsha taǵy bir komanda baq synaýda. Jeńimpazdar bıylǵy jyly kúz mezgilinde ótetin chempıonatta Pavlodar oblysynyń namysyn qorǵaıtyn bolady. Komandalar jas ereksheligine qaraı 10-16 jáne 17-25 aralyǵynda eki kategorıa boıynsha sheberlik baıqasty. Munda alǵash ret lego, ardýnıo jáne qoldan jasalǵan túrli qurylymdyq platformalar biriktirilgen. Respýblıkada bir myńǵa jýyq ónertapqysh robot jasaýmen aınalysady. Bizdiń federsıanyń tizimine osy sala jaqsy damyp kele jatqan Aqtóbe, Almaty, Oral, Petropavl, Shymkent, Qyzylorda, Astana, Atyraý jáne Pavlodar óńirleri kiredi, - deıdi «QazRobotıks» bilim berý jáne sporttyq robot tehnıkasynyń qazaq federasıasy» QB-niń prezıdenti Aıjan Jekeeva. Jarystyń qorytyndysy boıynsha Pavlodar kólik jáne komýnıkasıa kolejiniń stýdentteri Oleg Chernyshev, Nıkıta Sekretarev, Artem Kırılús, Ermurat Telegenov, Olesá Petrenko, Anton Pomorzın, Olesá Petrenko, M. Kataev atyndaǵy oqýshylar saraıynyń tárbıelenýshileri Aleksandr Pýha jáne Shahnazar Qanapıa, qyzdarǵa arnalǵan oblystyq qazaq-túrik lıseıiniń oqýshylary Mádına Taýpyqova jáne Danıa Oralova birinshi oryndy ıelendi.

---