InfoHub Logo

Pedagogtarǵa arnalǵan psıhologıalyq trenıń sabaqtar
1) Ózara túsinistik óneri
2)Tanys bolaıyq
3) Siz kimsiz? oıyny
4) Adamı qarym – qatynas izgilikteri
5) Meniń ómirlik qundylyǵym

Pedagogtarǵa arnalǵan psıhologıalyq «Ózara túsinistik óneri» trenıńi
Maqsaty: ózara qarym - qatynas qabiletterin damytý.
Mindetteri: qabyldarlyq formada ashýdy tarqatýǵa úıretý, ózara túsinistik daǵdylaryn qalyptastyrýǵa baǵyttalǵan toptyq jumystar, toppen jumys barysynda meıirimdilik atmosferasyn ornatý.
Psıhologıalyq tehnologıalar: mýzykalyq terapıa, oıyn terapıasy, artterapıa.

«Kel, tanysaıyq» oıyny.
Júrgizýshi alaqanyn soǵady, qatysýshylar bir - biriniń qolyn qysady.
Júrgizýshi qońyraý soǵady, qatysýshylar bir - biriniń arqalaryn sıpaıdy.
Júrgizýshiler syldyrmaqty syldyrlatady, qatysýshylar muryndarymen amandasady.

«Kishkentaı ergejeıli» oıyny.
Júrgizýshi qatysýshylarǵa kishkentaı meıirimdi ergejeıliniń rólin oınaýdy usynady. Júrgizýshi qol soqqanda, qatysýshylar qoldarynyń shyntaqtaryn búgip, saýsaqtaryn aldyǵa qaraı sozyp «Ý» dybysyn qatty qorqynyshty daýyspen aıtady.
Eger júrgizýshi qolyn aqyryn soqsa, «Ý» dybysyn aqyryn aıtady. Ózderińizdiń meıirimdi ergejeıli ekenderińizdi umytpańyzdar, azdap qana qaljyńdaımyz.

«Kengýrý» oıyny.
Qatysýshylar eki topqa bólinedi. Bir kengýrý turyp turady, ekinshisi – oǵan arqasymen turady, sosyn otyryp turady. Eki qatysýshy da qoldarynan ustaıdy. Árbir juptyń mindeti osy turǵyda, qoldaryn aıyrmaı, bólmeni sekirip, aınalyp shyǵý. (Qatysýshylar rólderimen almasady, sosyn juptarymen almasady).

«Keme» oıyny.
Qatysýshylar eki qatarǵa bir - birine qarama - qarsy turady. Bul ózen jaǵalaýlary. Qatarlardyń ara qashyqtyǵy qoldary bir - birlerine tımeýi kerek. Ózenge keme kózin jaýyp júzip keledi. Onyń qozǵalysy aqyryn nemese jyldam bolýy múmkin. Jaǵalaýlar qoldarymen kemeniń qozǵalysyna aqyryn kómektesýine bolady. Keme joldy ózi tańdaıdy; aınalýyna, burylýyna, oralýyna bolady. Sońynda kez kelgen jaǵalaýdyń shetine turýy qajet. Osy kezde basqa keme jolǵa shyǵady.

«Alaqanǵa jan bitir» oıyny.
Júrgizýshi qatysýshylarǵa álbom paraǵyna alaqanyn salyp, oǵan jan bitirý kerektigin usynady. Alaqanǵa aýyz, kóz..... salý. Saýsaqtaryn boıaý. Árbir saýsaqqa erekshe esimder oılap taýyp jazý. Sońynda nege olaı attaǵandyqtary týraly aıtyp berý.

«Qupıa dos» oıyny.
Árbir qatysýshyǵa 5 blankili ashyq hat (otkrytka) usynylady. Árbir qatysýshy 5 oıynshyǵa tilek jazýlary kerek. Ashyq hatty ádemilep bezendiredi. Hat kimge arnalǵandyǵyn jazady. Kimnen ekeni jazylmaıdy, qupıa bolyp qalady. Ashyq hat poshta jáshigine salynady. Kelesi kúni júrgizýshi jáshikti ashyp, hatty hat ıelerine tapsyrady.