InfoHub Logo

Perızat Qaırattyń isi: NZM ata-analary da jábirlenýshi retinde tanyldy
Qaıyrymdylyqqa dep aýdarǵan 900 myń teńgeden astam qarjy ustazdyń emine jumsalýy tıis edi

Astanada Perızat Qaıratqa qatysty sot prosesi jalǵasyp jatyr. Búgingi otyrysta jábirlenýshiler qatarynda Nazarbaev zıatkerlik mektebiniń oqýshylarynyń ata-analary da bar ekeni belgili boldy.

2024 jyldyń kókteminde NZM ata-analar komıteti tasqynnan zardap shekkenderge kómek retinde 901 855 teńge jınap, Perızat Qaırat basqaratyn «Biz Birgemiz Qazaqstan 2030» qorynyń shotyna aýdarǵan. Komıtet ókiliniń aıtýynsha, áleýmettik jelidegi qor jaıly aqparat pen jarnamasy senimdi ári resmı sıpatta bolǵandyqtan, olar alańsyz qarajat jibergen.

Alaıda keıinirek qorǵa aýdarylǵan qarjynyń qaıda jumsalǵany belgisiz bolyp, ata-analar óz qarajatynyń qaıtarylýyn talap ete bastady. Olardyń sózinshe, bul soma NZM-de densaýlyǵy syr bergen bir ustazdyń emine jumsalýy tıis edi.

Qazirgi tańda Perızat Qaırattyń qory arqyly jınalǵan júzdegen mıllıon teńgeniń basym bóligi jeke maqsattarǵa jumsalǵany tergeý barysynda anyqtalǵan. Sot isi jalǵasyp jatyr.