Taılandta birneshe jyl boıy ıttermen birge ómir súrgen bala tabyldy
Taılandta birneshe jyl boıy ıttermen birge ómir súrgen bala tabyldy
Anasy járdemaqy alyp turǵan, biraq bala mektepke barmaǵan
Taılandta adam sengisiz jaǵdaı oryn aldy: birneshe jyl boıy ıttermen birge ómir súrgen bala qutqaryldy. Jergilikti bıliktiń málimetinshe, balanyń anasy men 23 jastaǵy aǵasy esirtkige táýeldi bolǵan. Áıel memleketten balanyń oqýyna arnalǵan 400 bat (shamamen 6 500 teńge) kólemindegi járdemaqyny únemi alyp otyrǵan, alaıda bala mektepke barmaǵan.
Qutqarylǵan kezde bala sóılemegen, tek ıtshe úrip, tórt aıaqtap júrgen. Ol janýarlardyń ádetterin tolyqtaı sińirip, adamdardan qashyp, ıttermen ǵana ýaqyt ótkizgen.
Qazirgi tańda bala balalar ortalyǵyna jetkizilip, arnaıy mamandardyń qamqorlyǵyna alynǵan. Mamandardyń aıtýynsha, ol beıimdelý kezeńinen ótip jatyr, bul – uzaq ári kúrdeli proses bolýy múmkin.
Bul oqıǵa Taıland qoǵamynda úlken rezonans týdyryp, áleýmettik qyzmetterdiń álsizdigin, ásirese balalardy baqylaý tetikteriniń jetkiliksizdigin kórsetip otyr.
You Might Also Like
-
2021 jyldan bastap Qazaqstanda aýyl ákimderin tikeleı saılaý júıesi engizilgen bolatyn. Bul ózgeris memlekettik basqarýdy ortalyqtan óńirlerge ysyrý jolyndaǵy mańyzdy qadam retinde baǵalandy. Sodan...
-
Májilis depýtaty, burynǵy opozısıalyq jýrnalıs Ermurat Bápı 3 shildede «Eski de, jańa el týraly qısynsyz mıfter» atty maqala jarıalap, qazirgi prezıdent Qasym-Jomart Toqaevtyń saıasatyn jaǵymdy qyr...
