InfoHub Logo

Petropavlda Soltústik Qazaqstan ýnıversıtetiniń 20 jastaǵy stýdenti Anatolıı Fılıppovty joǵalǵanyna toǵyz aıdan asty. Ol bıylǵy jyldyń mamyr aıynda jataqhanadan shyǵyp ketip, oralmaǵan.

Bul týraly Infohub.kz aqparat agenttigi habarlaıdy.

Sońǵy ret qashan kórindi?

Anatolıı Fılıppovty sońǵy ret 2025 jyldyń 4 mamyrynda keshki saǵat 21:30 shamasynda kórgen. Ol Qozybaev atyndaǵy ýnıversıtettiń úshinshi kýrs stýdenti, «hımıa-bıologıa» mamandyǵyn oqyǵan. Stýdent Petropavldaǵy jataqhanada turǵan.

«4 mamyr jeksenbi bolatyn. Merekelik demalystan keıin ol aýyldan Petropavldaǵy ýnıversıtet jataqhanasyna keldi. Kóńil-kúıi jaqsy edi, eshqandaı jamandyq bolmaıtynyna sengenbiz. Úıden tolyp turǵan pakettermen tamaq, syılyqtar ákelgen bolatyn. Dúısenbi, seısenbi kúnderi anasy habarlasýǵa tyrysty, biraq Tolá qońyraýǵa jaýap bermedi», - deıdi stýdenttiń týystary.

İzdeý jumystary

Baılanystyń úzilýinen seziktengen týystary jataqhanaǵa kelip, polısıaǵa habarlasqan. Polısıa qyzmetkerleri, eriktiler, sondaı-aq ýnıversıtet stýdentteri men oqytýshylary birneshe ret izdeý sharalaryna shyqty. Olar telefonnyń sońǵy sıgnaldary tirkelgen qalanyń Podgora shaǵyn aýdanyn tekserdi. Tergeýshiler jataqhanadaǵy kórshilerin surastyrdy, biraq eshqandaı aqparat bere almady.

SQO TJD qutqarýshylary da izdeý jumystaryn júrgizdi. İzdeý birneshe baǵytta júrgizildi: qaıyqtardan jaǵalaýdy vızýaldy tekserý, áýe barlaýy úshin drondardy paıdalaný, sondaı-aq sý astyndaǵy zertteýler.

Tabylǵan zattar men boljamdar

«9 mamyrda butalardyń arasynan onyń kúrteshesi men qulaqqabyn taptyq. Sodan basqa eshqandaı iz joq... Biz úshin bul qandaı da bir sumdyq jumbaq bolyp tur. Tolányń qaıda ketkeni týraly eshqandaı boljamymyz joq. Ol óte tártipti, tynysh, salmaqty bala. Eshqandaı jaman kompanıalarmen aralaspaǵan, kúdikti áreketteri bolmaǵan. Mektepte jaqsy oqydy, kitap oqyǵandy jaqsy kóredi, bilimdi, damyǵan. Ýnıversıtetke grantpen túsip, shákirtaqy alǵan», - deıdi týystary.

Olar toǵyz aıdan astam ýaqyt boıy qorqynyshty beımálimdikte ómir súrip jatqanyn aıtady. Polıseıler bul jaǵdaıdyń sýısıd bolýy múmkin degen nusqany usynǵan, biraq týystary mundaı múmkindikti kategorıcheskı joqqa shyǵarady.

İzdeý jalǵasýda

Oblystyq polısıa departamentiniń baspasóz qyzmeti habarlaǵandaı, Anatolıı Fılıppovty izdeý jumystary jalǵasýda. Týystary áleýmettik jelilerde de aqparat tarata otyryp, ózderi de izdeýde.

«Boıy 175 sm, aryqsha kelgen, shashy qara, qysqa, shapta operasıadan keıingi tyrtyq bar», - delingen taratylǵan baǵyttaýda.

Týystary Anatolıı týraly qandaı da bir aqparaty barlardy jaqyn mańdaǵy polısıa bólimshesine nemese 102 nómirine habarlasýǵa shaqyrady.