politico.kz
Poıyz dárethanasyndaǵy jaǵdaıdan keıin jolaýshy 3 mıllıon teńge óndirip aldy
Poıyz jolaýshysynyń basynan keshken jaǵymsyz oqıǵaǵa baılanysty tasymaldaýshy kompanıa sotta jeńilip, 3 mıllıon teńge tóleýge májbúr boldy. Bul jaǵdaı Astana-Petropavl baǵytyndaǵy poıyzdyń dárethanasynda oryn alǵan.
Bul týraly Infohub.kz aqparat agenttigi habarlaıdy.
Dárethanadaǵy apat
Bıylǵy jyldyń 7 naýryzynda Astanadan Petropavlǵa qaraı bet alǵan poıyzdyń dárethanasynda kútpegen tehnıkalyq aqaý týyndaǵan. Saldarynan káriz júıesinen shyqqan las sý syrtqa atqylap, jaqyn mańdaǵy jolaýshynyń ústine shashyraǵan.
Bul oqıǵa jolaýshyǵa aýyr fızıkalyq jáne moraldyq áser etken. Onyń kıimi men jeke zattary da búlingen. Ol bul jaǵdaıdan keıin qatty kúızeliske ushyrap, psıhologıalyq turǵydan qınalǵanyn aıtty.
Sot sheshimi
Jolaýshy tasymaldaýshy kompanıadan moraldyq shyǵyn men bılet qunyn óndirip berýdi talap etip, sotqa aryzdanǵan. İs materıaldarynda kóliktik baqylaý ınspeksıasynyń tekserý qorytyndylary, oqıǵanyń fotodálelderi jáne tasymaldaýshyǵa qatysty ákimshilik hattama da bolǵan.
Sot qyzmettiń sapasyz kórsetilgenin rastap, «Tutynýshylardyń quqyqtaryn qorǵaý týraly» zańǵa súıene otyryp, jolaýshynyń talap-aryzyn ishinara qanaǵattandyrdy. Nátıjesinde, poıyz kompanıasy jolaýshynyń paıdasyna 3 mıllıon teńge kóleminde moraldyq ótemaqy tóleýge mindetteldi.
-
Kazakhstan's top tennis player, Alexander Bublik, narrowly missed a spot in the Geneva Open final after a thrilling three-set semifinal loss.
-
Fransıada ótken aýksıonda Eıfel munarasynyń burynǵy vınttik baspaldaǵynyń bir bóligi satyldy. Bul tarıhı jádigerdi kim satyp aldy jáne onyń quny qansha boldy?
