Prezıdent Qasym-Jomart Toqaev qazaqstandyqtardy Konstıtýsıa kúnimen quttyqtady
Prezıdent Qasym-Jomart Toqaev Qazaqstan halqyna Konstıtýsıa kúnine arnalǵan quttyqtaýyn joldady.
– «Qurmetti otandastar! Barshańyzdy Konstıtýsıa kúnimen quttyqtaımyn! Osydan 30 jyl buryn ótken referendýmda halqymyz Ata zańyn qabyldap, tarıhı tańdaýyn jasady. Konstıtýsıa – Qazaqstannyń barlyq azamatynyń múddesin, ulty men dinine qaramastan, birdeı qorǵaıtyn áleýmettik memleket retindegi quqyqtyq irgetas», – dedi Prezıdent.
Memleket basshysy Ata zańnyń qoǵamdaǵy kelisim men turaqtylyqtyń negizgi kepili ekenin atap ótti. Onyń aıtýynsha, úsh jyl buryn el damýynyń jańa tarıhı kezeńine saı aýqymdy konstıtýsıalyq reforma júzege asyrylǵan.
– «Bul reformanyń basty nátıjesi – saıası júıeniń "Kúshti Prezıdent – yqpaldy Parlament – esep beretin Úkimet" qaǵıdaty boıynsha jańǵyrýy. Sondaı-aq adam quqyqtaryn qorǵaýǵa, zań men tártip ústemdigin ornyqtyrýǵa erekshe mán berildi. Álemdik tájirıbede buryn-sońdy bolmaǵan jańa erejeler engizildi», – dedi Toqaev.
Prezıdent ádiletti, taza, qýatty ári qaýipsiz Qazaqstandy qurý jolynda ár azamattyń Ata zańdy qurmetteýi jáne onyń talaptaryn múltiksiz oryndaýy asa mańyzdy ekenin jetkizdi.
– «Elimizdiń barsha azamatyna zor densaýlyq, baq-bereke tileımin», – dep quttyqtaýyn qorytyndylady Memleket basshysy.
You Might Also Like
-
Atyraý turǵyny Ýkraınadaǵy soǵysqa qatysqany úshin 5 jylǵa sottaldy,-dep habarlaıdy Infohab.kz.
-
Almatydaǵy «Dýman» shaǵyn aýdanynda er adam áıelin óltirip, keıin óz-ózine qol jumsady, dep habarlaıdy Infohub.kz.
