InfoHub Logo

Memleket basshysy Qasym-Jomart Toqaev Tótenshe jaǵdaılar mınıstri Shyńǵys Árinovti qabyldap, vedomstvonyń atqarǵan jumystary men júrgizilip jatqan reformalar týraly esep tyńdady.

Kezdesý barysynda mınıstr sý tasqyny qaýpine baılanysty jaǵdaıdy baıandady. Onyń aıtýynsha, eldegi ahýal turaqty, segiz óńirdegi sý deńgeıi baqylaýda. Sonymen qatar, Qazaqstan Reseı jáne Qyrǵyzstanmen derekter almasýdy turaqty túrde júrgizip keledi.

Prezıdent sý tasqynyna qarsy sharalardy kúsheıtý, aldyn ala eskertý júıesin jańǵyrtý, sondaı-aq tótenshe jaǵdaılardyń saldaryn joıý boıynsha tapsyrmalardyń oryndalýyn jalǵastyrý qajettigin basa aıtty.