InfoHub Logo

Senat depýtaty Bıbigúl Jeksenbaı qazaqtyń asyl tuqymdy qumaı tazysyn shetelge eksporttaýǵa tyıym salýdy nemese arnaıy memlekettik ruqsat alý talabyn engizýdi usyndy. Bul týraly ol Premer-mınıstrge joldaǵan depýtattyq saýalynda málimdedi.

Senator qumaı tazynyń qazaq halqy úshin tek ańshylyqqa qajet emes, ulttyq mura ekenin atap ótti. Onyń pikirinshe, asyl tuqymdy tazylar shetelge ketpeýi úshin arnaıy zańnamalyq tetikter qajet.

Sondaı-aq, depýtat Tazy men Tóbet kúnin ańshylyq maýsymǵa sáıkestendirip, qarashanyń birinshi aptasyna aýystyrýdy usyndy. Sebebi qazaq dalasynda ańshylyq dástúrli túrde qansonarda, ıaǵnı alǵashqy qar túskennen keıin bastalady.

Budan bólek, jazýshy Muhtar Maǵaýınniń "Tazynyń ólimi" shyǵarmasynyń jelisimen tolyqmetrajdy kórkem fılm túsirýdi de qarastyrý qajet ekenin aıtty. Bul fılm qazaq halqynyń ańshylyq dástúri men tazynyń mańyzyn keńinen nasıhattaýǵa yqpal eter edi.