InfoHub Logo

Psıhologıa adam ómiriniń ajyramas bóligi. Ár iste, kúndelikti ómirimizde, kásibimizde túrli jaǵdaılarǵa dýshar bolamyz. Iaǵnı túrli tańdaýlar jasaımyz, maqsatymyzǵa umtylamyz, emosıonaldy turaqsyzdyqqa tap bolamyz, adamdarmen qarym-qatynasqa túsý barysynda túsinispeýshilikterge kezigemiz. Osyndaı sátter týyndaǵanda biz psıhologıaǵa júginemiz.

Psıhologıa, eń aldymen, adamnyń ózin-ózi jaqsy túsinýine, minez-qulqyna, emosıonaldi kúıine, sanasynyń ashyq bolýyna áser etedi. Eger adam óz qalaýyn anyq bilse, aınalasyndaǵy adamdardy jaqsy túsinse, ol týyndaǵan problemalardy sabyrly túrde, analız júrgizý arqyly erkin eshedi.

Meniń ómirimde psıhologıa negizgi ról atqarady desem, artyq aıtpaımyn, sebebi meniń jasaǵan ár tańdaýym, alǵa umtylýym, kezikken problemalarmen kúresýim,qorshaǵan ortanyń, aınalamdaǵy adamdardyń maǵan áserin psıhologıa aryly eńserip jatyrmyn. Qarapaıym mysaldarmen qarastyraıyq,

Men maqsatyma jetýde kedergilerge tap boldym, onyń sheshimin bilmeımin. Eger men emosıaǵa berilip, sheshe almaımyn dep, sharasyzdyq tanytsam, bastaǵan isimdi aıaǵyna deıin jetkize almaımyn , al eger ózimdi sabyrǵa shaqyryp , sezimime emes aqylyma júginer bolsam, men qandaı qıyndyq bolmasyn eńserer edim.

Adamdar arasyndaǵy qarym-qatynas. Eger men qatynasqa túsetin adamnyń emosıalyq kúıin baıqamasam, mysalǵa, men muńaıyp turǵan adamǵa óz problemam jaıly aıta bersem, ol meni tyńdaǵysy kelmeı ketedi, sebebi ózi de qıyndyqtarǵa tap bolyp, meni oılaýǵa murshasy joq. Osyndaı jaǵdaılarda adamdar arasynda túsinispeýshilik týyndap, ol keleńsiz jaǵdaılarǵa alyp kelýi múmkin. Bundaı jaǵdaılardy boldyrmas ushin adamnyń ózin ustaýyna, sóıleýine mán berip, analız jasaý arqyly emosıonaldy kúıin anyqtaǵannan keıin ǵana, belgili bir máselelerge qatysty sóz qozǵaý kerek.

Adamǵa fızıkalyq áserge qaraǵanda moraldyq áser aýyr tıedi. Sebebi moraldi áser adamnyń jan dúnıesine jazylmastaı aýyr jara qaldyrady, tipti keıbir jaǵdaılarda ózin-ózi óltirýge, ıaǵnı sýısıdke ákelip soqtyrady.

Qoǵamda, eger adam basqa adamdardan ózgeshe bolsa nemese ózge kózqarasta ustansa, negatıvti oılaryn bildirip, tulǵaǵa moraldi túrde shabýyl jasaıdy. Bundaı jaǵdaılarǵa adam psıhologıasy tótep bere almasa, sońy qaıǵyly jaǵdaılarmen aıaqtalýy múmkin. Sol sebepti adam psıhologıasy myqty, ári berik bolýy kerek.

Jýrnalısıka mamandyǵy psıhologıamen tyǵyz baılanysty. Sebebi jýrnalıser adamdarmen tikeleı baılanysta bolady, túrli stressti sıtýasıalarǵa tap bolady, olarǵa jan-jaqty pikirler, synı kózqarastar aıtylady. Jýrnalıske osyndaı jaǵdaılarǵa moraldi turǵydan daıyn bolý kerek.

Mysalǵa, otbasynda anasy bir balasynan aıyrylyp qaldy delik, jýrnalıser anyq-qanyǵyn bilý úshin anasynan mán-jaıdy suraıdy. Osyndaı kezderde qaıǵyryp turǵan anany suraq astyna alý, jýrnalıske qanshalyqty qıyn bolsa da, sezimine erik bermeı jumysyn isteýge mindetti.

Adam arasyndaǵy qarym-qatynas kezinde de jýrnalıser psıhologıaǵa júginedi. Suhbattasyp otyrǵan adamǵa durys suraq qoıa alý, sıtýasıany analızdeý syndy qasıetterdi ıgere alý kerek.

Bes saýsaq birdeı emes degendeı, ár adam ár túrli kózqarasta bolady. Jýrnalıske syn-pikir aıtylǵanda oń qabyldap, emosıanaldyq kúıin basqara alý kerek.

Qoryta aıtqanda, qandaı sala bolsyn, qandaı mamandyq bolsyn psıhologıaǵa júginedi. Psıhologıany ıgerý arqyly ómirimiz birshama jeńildeıdi.

---