InfoHub Logo

Reseı prezıdenti Vladımır Pýtınniń qaýipsizdigi kúsheıtildi. Mundaı sharalar elde yqtımal tóńkeris pen qastandyq qaýpi týraly aqparattar taraǵannan keıin qolǵa alyndy. Bul týraly Financial Times basylymy eýropalyq barlaý derekterine súıenip habarlady.

Bul týraly Infohub.kz aqparat agenttigi habarlaıdy.

Qaýipsizdik hattamalary qataıtyldy

Sońǵy aılarda Reseıdiń federaldy kúzet qyzmeti prezıdenttiń qaýipsizdik sharalaryn aıtarlyqtaı kúsheıtken. Aqparat kózderiniń aıtýynsha, Pýtın ýaqytynyń kóbin jerasty panalarynda ótkizedi. Sonymen qatar, ol Ýkraınadaǵy soǵysqa kóbirek kóńil bólip, memlekettik basqarý máselelerinen alshaqtap ketken degen pikirler bar.

Pýtınniń saparlary men rezıdensıalary

Basylymdardyń jazýynsha, 2026 jyldyń naýryz aıynan bastap Pýtın baratyn oryndardyń tizimi qysqarǵan. Ol Máskeý mańy men Valdaıdaǵy rezıdensıalaryna barýdy azaıtqan. Onyń ýaqytyn kóbine býnkerlerde, ásirese Krasnodar ólkesinde ótkizetini aıtylady. Prezıdenttiń aldyn ala jazylǵan vıdeolardy jarıalaýy da yqtımal degen boljam bar.

Kremlge kirý talaptary kúsheıdi

Kremlge kirýshilerge qoıylatyn talaptar da qatańdaı túsken. Eki deńgeıli tekserý júıesi engizilip, prezıdentke jaqyn qyzmetkerlerge ınternetke qosylatyn smartfon qoldanýǵa jáne qoǵamdyq kólikpen júrýge shekteý qoıyldy. Olardyń úılerine beınebaqylaý ornatylǵany da aıtylady.

Sergeı Shoıgý – yqtımal qaýip pe?

Eýropalyq barlaý qyzmetteriniń baǵalaýynsha, Pýtın yqtımal qaýiptiń biri retinde burynǵy qorǵanys mınıstri Sergeı Shoıgýdy qarastyrýy múmkin. Sarapshylar onyń áskerı ortadaǵy yqpaly áli de joǵary ekenin alǵa tartady.