InfoHub Logo

Reseı Federasıasynyń Prezıdenti Vladımır Pýtın Ýkraınaǵa eshqandaı shart qoımastan tikeleı kelissózder júrgizýdi usyndy.

Onyń aıtýynsha, Reseı mundaı dıalogty 15 mamyrda Ystambulda bastaýǵa daıyn.

"Erteń bizde Prezıdent Erdoǵanmen áńgime josparlanǵan. Men odan osy kelissózderdi ótkizý múmkindigin suraýyn ótinemin", — dedi Reseı basshysy.

Sonymen birge, ol Ýkraına men Eýropa elderiniń 30 kúndik bitim týraly usynysyn qabyldamaı, últımatýmmen kelispeıtinin jáne óz sharttaryn usynatynyn bildirdi.

"Bizdiń usynystar ústelde jatyr, sheshimdi Ýkraına men olardyń eýropalyq qamqorshylary qabyldaıdy", – dedi Pýtın.

Reseı Federasıasy Kıevtiń reaksıasyna baılanysty úsh kúndik mamyr bitimin uzartý múmkindigin de joqqa shyǵarmady.

Buǵan deıin Kremldiń baspasóz hatshysy Dmıtrıı Peskov 80 jyldyq Jeńis merekesine baılanysty jarıalanǵan bitimniń aıaqtalǵanyn rastady.

Pýtın baspasózge shyqqan soń, Peskov 15 mamyrda Ystambulda josparlanǵan Ýkraınamen kelissózderdiń "tıisti deńgeıde" ótetinin aıtty.

Pýtınniń keńesshisi Iýrıı Ýshakov Reseı tarapynan kelissózge delegasıa baratynyn jáne onyń quramy keıinirek jarıalanatynyn jetkizdi.

Reseılik BAQ Vladımır Pýtınniń aldaǵy málimdemesin "AQSH-tyń keshki praım-taımyn shaıqaltady" dep anons jasaǵan edi.

Reseı prezıdentiniń sózin CNN, NBC jáne BBC tilshileri baqylaýǵa jiberildi, biraq jýrnalıserden suraq qabyldaý qarastyrylmaǵan.

Pýtınniń málimdemesine deıin Fransıa, Ulybrıtanıa, Polsha jáne Germanıa kiretin "qalaǵandar koalısıasy", sondaı-aq Ýkraına 12 mamyrdan bastap 30 kúndik tolyq jáne shartsyz atysty toqtatý týraly usynys jasaǵan edi. Eýropalyq kóshbasshylar eger Máskeý bul usynystan bas tartsa, sanksıalar edáýir kúsheıetinin eskertken.

CNN telearnasyna bergen suhbatynda Dmıtrıı Peskov Reseı bul 30 kúndik bitim týraly usynysty qarastyryp jatqanyn aıtty.

Buǵan deıin Ýkraına Prezıdenti Vladımır Zelenskıı AQSH Prezıdenti Donald Tramppen telefon arqyly sóılesý kezinde, eger Reseı eshqandaı shart qoımaı atysty 30 kúnge toqtatýǵa kelisse, Ýkraına tikeleı beıbit kelissózderge daıyn ekenin jetkizgen.

Reseılik aqparat quraldarynyń aıtýynsha, bul Kremlde alǵash ret tún ortasynda ótken baspasóz máslıhaty boldy. Jýrnalıser Vladımır Pýtınniń shyǵýyn bir saǵattan asa kútken.