InfoHub Logo

Kóp páterli úılerdiń turǵyndarynyń basym bóligi páter ıeleri kooperatıvteriniń (PIK) mindetteriniń tizbesine qatysty aqparattan beıhabar, ol PIK mindetterin oryndaý sapasyn baqylaýdyń joqtyǵyna ákeledi.

Birinshi kezekte turǵyndardyń ózderi óz úıin adamdardyń turý senimdiligi men qaýipsizdigin, ortaq múliktiń saqtalýyn jáne qorshaǵan ortany qorǵaýdy qamtamasyz etetin durys jaǵdaıda ustaý úshin úıge qyzmet kórsetýge belsene qatysýy tıis.

PIK degen ne?

PIK – kondomınıým obektisiniń ortaq múlkin birlesip basqarý úshin úı-jaılardyń (páterlerdiń) menshik ıeleri quratyn komersıalyq emes uıym. Iaǵnı, kóp páterli úıde nemese aýla jáne komýnıkasıalary bar birneshe úılerdi biriktirýmen turǵyndar (páter ıeleri) qurǵan uıym.

Eger revızıalyq komısıa PIK qyzmetindegi óreskel buzýshylyqtardy anyqtaıdy – sotqa júginińiz, sondaı-aq turǵyndar jalpy jınalysta PIK basqarma múshelerin qaıta saılaýǵa quqyly. Eger revızıalyq komısıa turǵyndar senimin aqtamasa, aýdıtorlyq tekseristi júrgizý kerek.

Basqarma músheleri (quryltaıshylar) – quryltaıshylar jınalysynda turǵyndardyń múddelerin qorǵaıtyn eki jáne odan da artyq tulǵalar. Basqarma músheleri óz kondımınıýmyndaǵy barlyq kemshilikterdi biletin atalmysh úıde uzaq ýaqyt boıy turatyn, turǵyndardyń basym bóligi senetin bastamashyl adamdar bolýy tıis.

Revızıalyq komısıa – úı turǵyndarynyń basym bóligi senetin, páter ıeleriniń jalpy jınalysynda tańdalǵan tulǵalar. Biraq olar: quryltaıshylar otbasynyń músheleri, basqarma músheleriniń ózderi (quryltaıshylar) nemese PIK quryltaıshylarymen birge turatyn páter ıeleri bolmaýy kerek. Eger kooperatıv on adamnan az adamdy biriktirse, revızıalyq komısıanyń ornyna revızor tańdalýy múmkin. 

PIK mindetti tólemderdi keshiktirýde ár keshiktirilgen kún úshin jyldyq 5,5% mólsherindegi ósimpul esepteledi. Eger turǵyn tólemniń belgilengen kúninen keıin úsh aıdyń ishinde merzimi ótýin negizdi sebeptersiz tóleýden bas tartsa, kooperatıv qaryzdy májbúrlep tóletý týraly sotqa júginýge quqyly.

PIK qandaı qajettilikterge qosymsha tólem surata alady?

PIK óziniń negizgi mindetterinen basqa úı, aýla nemese aýdandy kógaldandyrýmen baılanysty qosymsha qyzmetterdi kórsete alady. Qosymsha qyzmetterdi kórsetýge PIK aqshalaı qarajatty jınaýǵa bastama bolýǵa quqyly, qosymsha alymdar mólsherin jalpy jınalysta úı turǵyndary talqylaıdy. QR zańnamasy «Túrǵyn úı qatynastary týraly» QR Zańynyń 31-babynyń 8-tarmaǵyna sáıkes aǵymdyq, kúrdeli jóndeýge ekinshi deńgeıdegi bankterdegi aqsha qarajatyn jınaý retinde osyndaı alymdardy kózdeıdi.

Memleket kondomınıýmnyń ár obektisine bankterdegi aǵymdyq shottardy ashýdy mindetteıdi, oǵan turǵyndardyń ǵımarat (páter) ıeleriniń jınalysynda anyqtalatyn, biraq 0,02-ese aılyq eseptik kórsetkish mólsherinen kem emes mólsherde turǵyndardyń aı saıynǵy tólemderi aýdarylady.

PIK tóraǵasy ornyna kimdi tańdaǵan jón?

Shyn máninde PIK tóraǵasy – bul tek aqsha jınaýshy jáne jınalystar uıymdastyrýshysy emes. Negizinen qyzmet jumysy tehınkalyqqa jatady, sol sebepti tóraǵa jumysty tehnıkalyq jaǵynan túsiný, belgili bir bilimderge ıe bolýy tıis.

«Turǵyn úı ınspeksıasy usynatyn úı-jaı ıeleri (páterler) kooperatıvi basqarmasynyń kandıdatýrasyna qoıylatyn biliktilik talaptaryn bekitý týraly» QR Turǵyn úı-kommýnaldyq sharýashylyǵy jáne qurylys isteri jónindegi agenttik tóraǵasynyń buıryǵyna sáıkes kooperatıv basqarmasynyń tóraǵasyna kandıdat:

– tıisti mamandyq boıynsha joǵary (nemese joǵarydan keıingi) bilimi bolýy;

– kondomınıým obektilerine qyzmet kórsetý salasynda eki jyldan kem emes jumys tájirıbesi jáne (nemese)bes jyldan kem emes uıymdaǵy basqarýshy laýazymdarda bes jyldan kem emes jumys ótili bolýy;

– oǵan jumysta kerek Qazaqstan Respýblıkasynyń qoldanystaǵy zańnamasyn bilýi;

– kópshilik sóz sóıleýler, resmı kelissózder júrgizý, baqylaý jáne jumysty josparlaý, basqarý sheshimderin iske asyrý jáne jedel qabyldaý daǵdylaryna ıe bolýy tıis.

PIK mindetterine ne kiredi?

PIK shyǵyndary turǵyndardyń jınalysynda bekitiledi (páter ıeleriniń), sol sebepti úı turǵyny aı saıynǵy tólem alynatynyn jáne PIK qandaı jumystardy oryndaıtynyn bilý úshin jınalysqa qatysýy tıis.

Úıler, qabattar, kireberister sany, qurylymdyq erekshelikter, alańdar jáne úı mańy aýmaǵyn kógaldandyrý jáne qurylystyń ózge de jeke erekshelikterine baılanysty olardyń tehnıkalyq jaǵdaıdy jáne fızıkalyq tozý deńgeıi kondomınıýmderdiń ortaq múlkin ustaýǵa shyǵyndar tizbesi erekshelenýi múmkin.

Jarnalar mólsheri úı ıeleriniń jalpy jınalysyndaǵy ázirlengen jobalyq-smetalyq qujattama negizinde anyqtalady.

PIK mindetterine mynalar kiredi:

 

1. Aǵymdyq jóndeýge qyzmet kórsetý:

– japsarlardy úılestirý, shuńqyrlardy jáne qabyrǵalardaǵy jaryqty biteý (ótinimder boıynsha);

– shatyrdan aǵýdy joıý boıynsha jumystardyń barlyq túrleri (tolyq aýystyrýdan basqa);

– barlyq bólmelerdegi sylaý-boıaý jumystarynyń barlyq túrleri (jylyna bes ret);

– sharbaqtardy jóndeý, synǵan shynylardy almastyrý jáne kireberis esikterdi jóndeý.

2. Jylytý júıelerine qyzmet kórsetý:

– jylytý júıelerin jóndeý jáne paıdalaný júrgiziledi;

– jylytý júıelerin qosý jáne aǵytý (kúz, kóktem, apatty, rejımdik);

– jylytý júıelerin maýsymdyq sóndirý (kóktemde), maýsymdyq aǵytý kezinde jylytý júıeleriniń jaǵdaıyn tekserý;

– rejımderdi iske qosýda jáne ózgertýde jylytý júıelerin retteý;

– jylytý júıelerindegi kishigirim aqaýlardy joıý (jylý ızolásıasynyń qalǵan ýchaskelerin bekitý, bettik qabat, aǵýdy joıý, laı turǵyshtardy tazalaý, qaqtan jáne tuz tunbalarynan  bekitý jáne retteý armatýrasyn tazalaý, bosaǵan taratý magıstraldyq qubyr joldary astyndaǵy tirekterdi bekitý);

– qubyr joldaryn jylýlyqpen oqshaýlaý;

– jylytý júıelerin gıdravlıkalyq shaıý.

3. Sýmen qamtý túıinderine qyzmet kórsetý:

– qysym temperatýrasyn ólsheýmen, aralasý koefısıentimen aıyna 2 ret jeke jylý bólimderin tekserý;

– jylý maýsymynyń bastalýy jáne aıaqtalýy boıynsha ystyq sýmen qamtý rejımine aýysý;

– biteý jáne retteý armatýrasynyń tósemelerin almastyrý;

– 1 metrden artyq emes sýyq, ystyq sýmen qamtý qubyr joldarynyń jekelegen ýchaskelerin almastyrý;

– laı tunǵyshtardy, biteý jáne retteý armatýrasyn qaqtan jáne tuz qaldyqtarynan tazalaý;

– kedergishti organdardy almastyrý (pysyldaýyqtar, staqandar, shaıbalar) jáne qajettiligi bolǵanda olardy túzeý;

– aǵýdy joıý;

– qozǵalǵan tirekterdi bekitý.

4. Sanıtarlyq-tehnıkalyq toraptarǵa qyzmet kórsetý:

– jertóledegi kanalızasıany tazalaý;

– burandaly qosylystardaǵy aǵýdy joıý;

– tetiktegi sharpylardy toltyrý;

– ár túrli sańylaýlardy pisirý;

– jer asty bólmelerinen sýdy aǵyzý;

– bógetterdegi sýyq, ystyq sýmen qamtý turyqtarynyń ýchaskelerin almastyrý;

– jer asty bólmelerin jáne basqa jalpy paıdalaný oryndaryn deratızasıalaý, dezınfeksıalaý, dárileý qyzmetterin shaqyrý jáne tóleý.

5. Elektr-tehnıkalyq qamtamasyz etýge qyzmet kórsetý:

– bas taratý qalqanyndaǵy janǵan saqtandyrǵyshtardy almastyrý;

– kireberisterdi jaryqpen qamtamasyz etý, birinshi qabattaǵy jáne shatyrdaǵy elektr shamdaryn aýystyrý;

– apattyq-dıspecherlik qyzmetti shaqyrý jáne qyzmetterin tóleý (sharttar jáne ótinimder boıynsha);

– bas taratý qalqanyndaǵy jáne qabattyq qalqandaǵy nol fazaly janyp ketken symdardy qalpyna keltirý;

– kezekshi jaryqqa kerneýdi berý;

– kezekshi jaryqtan ajyratqyshtardy almastyrý.

6. Úı mańyndaǵy aýmaqty tazalaý  

– turǵyn úıden jańbyr sýlaryn burýdy, sý burý qurylǵylarynan durys jaǵdaıdy qamtamasyz etý;

– qardy shyǵarý, júrginshi joldaryndaǵy qaqtardy joıý, qysqy maýsymda trotýarlarǵa qumdy daıyndaý jáne quıý;

– qoqys shyǵarýdy shaqyrý jáne tóleý;

– gúlzarlardy tazalaý, olardy shabý;

– shatyrdy qoqystan, lastanýdan jáne japyraqtardan tazalaý.

7. Ákimshilik mindetter:

– bólme (páter) ıeleriniń jınalystary, jazbasha saýalnamalaryn ótkizýdi uıymdastyrý, sonyń ishinde qyzmet kórsetý sapasy boıynsha ótinishter men shaǵymdardy qaraý;

– Qazaqstan Respýblıkasynyń turǵyn úı zańnamasyna sáıkes kondomınıým obektisiniń mazmuny jáne basqarýmen baılanysty tehnıkalyq qujattamalar, sondaı-aq býhgalterlik, qarjylyq, salyqtyq jáne statıtıstıkalyq esepke alý men eseptilik qujattamalaryn júrgizý;

– eger ol turǵyndardyń  úı komýnıkasıalarynyń kem degende birin paıdalanýǵa kedergi jasaıtyn tehnıkalyq jumystardy ótkizý týraly  habardar etý;

– kondomınıým obektisine aǵymdyq jáne jınaqtaý shottaryn ashý;

– jasalǵan sharttarǵa sáıkes servıstik qyzmettiń sýbektileri, merdigerlerdiń jumystary men qyzmetterin qarjylandyrý (jumystardyń, qyzmetterdiń prosesine qatysýshylar);

– páter ıeleri, sondaı-aq jalǵa berýshilerdi tirkeý esebine alý.

PIK qandaı esepter usynýy tıis

PIK jumysy páter ıeleri úshin neǵurlym aıqyn bolsa, basqarma tóraǵasy páter ıeleriniń suranysy boıynsha aqsha qarajattaryn paıdalaný týraly esepti toqsanyna bir retten kem emes usynýy tıis. Eseptiń qorytyndylary úı turǵyndarynyń jalpy jınalysynda jarıalanady.

Sondaı-aq turǵyndar revızıalyq komısıadan kooperatıvtiń qarjy-sharýashylyq qyzmetin tekserý aktisin talap etýge quqyly. Revızıalyq komısıa kooperatıv basqarmasynyń jyl saıynǵy esebi boıynsha jáne tabystar jáne shyǵyndardyń basqarma usynǵan jyldyq smetasy boıynsha qorytyndy beredi.

Derekkózi: egov.kz

---