- 22 aqp. 2018 00:00
- 256
UBT
Uly bir kúndik tóńkeris... Tóńkeris deýinde de mán jatyr-aý. Sebebi, biz de sol surapyl kezeńniń batyrlary bolyp eseptelmeımiz be?! Shynymen de soǵys jaıly aıtaıyn dep tur deısizderme?! Jo-joq, bar bolǵany, atyn estise tóbelerinen muzdaı sý shashyp jibergendeı sezinetin oqýshylardyń Ulttyq Birińǵaı Testileýdi aıtpaqshymyn. Ózim mektep qabyrǵasynan ushqaly otyrǵan túlek bolǵandyqtan ba, UBT jaıly sóz qozǵaǵym keldi.
Meni tolǵandyratyn suraqtardyń biri: "Nege sonshalyqty bizder UBT-dan qorqamyz ?! " Ony qoıshy, biz turmaq, ata-ana, ustazdarǵa sheıin tileýimizdi tilep, bizben birge ýaıymdaıdy. Túsinemin, jańa formatqa birden aýysý eshkimge ońaı bolǵan joq, bul jaıt barlyǵymyzdy eseńgiretti. Degenmen, ómir osy UBT-men ǵana shektelmeıdi ǵoı. Bul bizdiń 11 jyl boıy alǵan bilimimizdi saraptaý úshin arnalǵan synaq. Denemizdi jansyzdandyryp, durys sheshim qabyldaýǵa múmkindik bermeıtin "qobaljýdy" dereý doǵarýymyz kerek.
Eń bastysy sanamyzdy pozıtıvti oılarmen toltyryp,ózimizge senip, jaqsy daıyndalar bolsaq, qorqatyn dáneńe joq. Bir-eki jyl qınalsaq ta , artynsha ardaqty ata-anamyz ben aıaýly ustazdardyń úmitip aqtap, joǵary kórsetkish kórsetip, qalaǵan mamandyǵymyzdyń grant ıegeri bolý barlyǵymyzǵa násip etsin! Mektepteriniń abyroıyn asqaqtatar jastar kóp bolady dep kámil senemin.
Arystandaı aıbatty,
Jolbarystaı qaıratty
Qyrandaı kúshti qanatty.
Men jastarǵa senemin-dep Maǵjan atamyz aıtpaqshy, aldaǵy ýaqytta UBT alańynan ótetin ózim sekildi talapkerlerge tek sáttilik tileımin! Qazaqstan bolashaǵy - myna siz ben bizdiń qolymyzda!