![Jaýapkershilik jáne onyń ómirdegi róli](http://infohub.kz/uploads/thumbnail/20240120122214658_big.jpg)
- 22 aqp. 2018 00:00
- 470
Jaýapkershilik jáne onyń ómirdegi róli
Jaýapkershilik – ol tabysty adamnyń mańyzdy qasıetteriniń bir. Ómirde ózine tolyq jaýapkershilik alǵan adam ǵana jetistikke jete alady. Ádette balalardy eseptemegende bul qasıet barlyq eresek adamǵa tán. Sebebi balalar esi kirgenge deıin óziniń ata-anasyna táýeldi bolyp keledi. Alaıda ókinishke oraı, keıbir eresek adamdar qandaıda bir qıynshylyqtarǵa nemese sátsizdikterge jolyqqan kezde ózinen jaýapkershilikti alyp tastaýǵa umtylyp, túrli syltaý izdeı bastaıdy.
Jaýapkershilikten qashýdyń mysaldyq sózderi mynadaı:
– eger pálenshe bolmaǵanda...
– balalar maǵan jumys isteýge múmkindik bermeıdi...
– sen meniń ómirimdi buzdyń!
– tek baılardyń ǵana joly bolady t. b.
Jetistikke jetý úshin ómirińizde bolyp jatqan bar jaǵdaılarǵa jaýapkershilik ala bilýdi úırený óte mańyzdy. Bul óz áreketińiz nemese nemquraılyǵyńyzǵa ǵana emes, sizdi qorshaǵan jaıttar men adamdarǵa da jaýapty bola bilý degendi bildiredi. Máselen, bala toqsandy úzdik baǵalarǵa aıaqtady delik. Onyń ata-anasyn maqtanysh sezimi bıleıdi, ol birinshi kezekte dostarynyń aldynda balasynyń jetistigimen maqtana alady. Al eger balasy toqsandy «ekilikpen» aıaqtasa, «Aqymaq, ákesine (anasyna) tartyp ketken» deıtin sózder shyǵady.
Nege biz jetistikterdi áreketimizdiń jemisi túrinde kóremiz(oǵan bizdiń qatysymyz bolsa da, bolmasa da), al sátsizdikterdi bireýge júkteı salýǵa daıyn turamyz? Nege? Ózgeniń aldynda «jaqsy» bolyp kóriný úshin be?
Árıne «jaqsy» bolyp kóringimiz keledi, biraq ol úshin balanyń tirligin doǵaryp, ómirde bolyp jatqan barlyq nárseniń jaýapkershiligin óz moıynmyzǵa alýymyz kerek, sonda ǵana jetistik shyn máninde oryndy bolady, al ómir jolynda kezdesetin sátsizdikterden sabaq ala bastaısyz jáne aldaǵy ýaqytta olarǵa jol bermeýge tyrysasyz. Osylaısha sátsizdikterdiń sany azaıyp, jetistiktiń sany arta beredi. Sonda ómirde shynaıy jeńimpazǵa aınalasyz!