kollaj POLITICO.KZ
«Pyshaqtap, keıin kómip tastaǵan»: sotta Sársemalıevtiń áıeliniń týystaryn qalaı óltirgeni aıtyldy
Atyraý oblysynda áıeliniń tórt týysyn óltirdi dep aıyptalǵan Sultan Sársemalıevke qatysty sot prosesi bastaldy. Sot otyrysynda prokýror qylmystyń mán-jaıyn egjeı-tegjeıli baıandady.
Bul týraly Infohub.kz aqparat agenttigi habarlaıdy.
Sársemalıev pen onyń burynǵy áıeli Aqbaıan Muqanǵalıeva 2016 jyly Atyraýda tanysyp, sol jyldyń mamyr aıynda nekege turǵan. Bes balaly otbasynda keıinnen kelispeýshilikter týyndap, 2022 jyly erli-zaıypty ajyrasyp ketken. Balalar anasymen birge qalyp, Aqbaıan úsh balasymen Atyraýdaǵy Nursaıa shaǵynaýdanyna kóship barǵan.
Qylmystyń mán-jaıy
Prokýrordyń aıtýynsha, Sársemalıev qylmystyń izin jasyrý úshin saraıdyń ishine shamamen 1,3 metr tereńdikte shuńqyr qazyp, máıitterdi sonda kómgen. Keıin ústin lınoleýmmen japqan.
Naýryz Muqanǵalıevti óltirgennen keıin, Sársemalıev túnde aýladan kúrek alyp, úıdiń ońtústik-batys jaǵyndaǵy qorshaý mańynan tereńdigi bir metrden asatyn, eni shamamen 80 santımetr bolatyn shuńqyr qazǵan. Odan keıin marqumnyń jeke kýáligin, bank kartasyn, Samsung A21 telefonyn jáne 3 myń teńge aqshasyn alyp, máıitti kilemge orap, qazylǵan shuńqyrǵa kómgen.
Shabýyl kezinde et týraıtyn pyshaq qoldanylǵan. Tergeý málimetteri boıynsha, dál osyndaı tásilmen Nasıp Úteshqalıeva da óltirilgen.
Tergeý barysynda Sársemalıevtiń 2023 jyldyń basynda burynǵy otbasymen qaıta tatýlasýǵa áreket jasaǵany da anyqtaldy. Ol Atyraýdan úı jaldap, burynǵy jubaıy men balalarymen birge turǵan.
-
Astanada jaqynda iske qosylǵan jeńil relsti kólik (LRT) jolaýshylar tarapynan synǵa ushyraýda. Birinshi aptadaǵy jaǵdaıdy oqyrman pikirleri men jýrnalısik baqylaý negizinde baıandaımyz.
-
Sultan Sarsemaliev, accused of murdering four family members in Atyrau, has been brought to court for trial. The preliminary hearing is set for May 18.
