InfoHub Logo

Saýat ashý
Sabaqtyń maqsaty:
1. Q dybysymen tanystyrý, q dybysy bar sózderge dybystyq taldaý jasaı bilýge, sózderdi býynǵa bólýge úıretý.
2. Oılaý, este saqtaý, tilderin damytý.
3. Ádemi, taza jazýǵa tárbıeleý.
Ádisi: túsindirý, suraq - jaýap, kórnekilik, oıyn.
Kórnekilik: álippe - dápter, áripter, teksheler, ınteraktıvti taqta.

Sabaqtyń barysy:
1. Uıymdastyrý kezeńi.
Balalardyń nazaryn sabaqqa aýdarý úshin «Shattyq sheńberin»ótkizý.
2. Ótkendi qaıtalaý
- Dybys degenimiz ne?
- Árip degenimiz ne?
- Dybystar neshege bólinedi?
- Ótken sabaqta qandaı dybyspen tanystyq?
O dybysyna baılanysty sóz, sóılem quratý, býynǵa bólgizý.

3. Jańa sabaq.
Sabaqty jumbaq jasyrýdan bastaý.
Syldyrdan qorqady,
Shoshynyp jortady. (Qoıan)

Eki aıyr quıryqty,
Qıaq murt qanaty,
Ushqyrlardyń júırigi. (Qarlyǵash)

-«Qoıan», «qarlyǵash» degen sózderde birinshi qandaı dybys estiledi?
- Q dybysy (Q dybysynyń árip tańbasyn kórsetý)
Hormen Q dybysyn birneshe ret qaıtalaý.
- Q dybysy daýysty ma, daýyssyz ba?
- Daýyssyz.
- Daýyssyz dybystardy qandaı tekshemen belgileımiz?
- Kók tústi.

2. Sýretpen jumys (ınteraktıvti taqta)
- Balalar, taqtada neniń sýretin kórip tursyńdar?
- Qalam, baqa, taraq.
Osy sózderdi býynǵa bólý, dybystyq taldaý jasaý, Q dybysynyń sózdegi ornyn anyqtatý.
(sózdiń basy, ortasy, aıaǵynda)

4. Dáptermen jumys.
Qq árpiniń baspa túrin jazý.

5. Sergitý sáti.
Terbeledi aǵashtar
Aldymnan jel esedi.
Kip-kishkentaı aǵashtar
Bıik - bıik ósedi.

6. Kartochkamen jumys.
Berilgen sózderdiń arasynan Q dybysyn taýyp kók tústi qaryndashpen syzý.

7. Oıyn «Kim jyldam?»
Q dybysynan bastalatyn sózder aıtý.

8. Qorytyndy.
- Balalar, búgin biz saýat ashý sabaǵynda ne istedik?
- Q dybysy qandaı dybys?
- Q dybysy sózde qalaı ornalasady?
- Qandaı tústi tekshemen belgileımiz?
Balalardy madaqtaý, sabaqqa belsendi qatysqan balalardy ataý.