InfoHub Logo

Páni: Qazaq tili
Synyp: 8 synyp
Sabaqtyń taqyryby: Qadyr Myrzalıev (prezentasıasymen)
Sabaqtyń maqsaty:
Bilimdilik: Qazaqtyń kórnekti balalar aqyny Qadyr Myrza Álıdiń ómiri men shyǵarmalary týraly túsinik berý, tuıyq etistik, jalqy zat esimdi qaıtalap, bilimderin praktıkada qoldanýǵa úıretý;
Damytýshylyq: Oılaý, este saqtaý, kórý qabiletterin damytý, baılanystyryp sóıleý tilin damytý, oı - órisin keńeıtý, tanymdyq qabiletin arttyrý.
Tárbıelik: Qazaqtyń uly adamdaryn qurmetteýge, olardyń qazaq ádebıetine qandaı úles qosqanyn bilýge tárbıeleý; bir - birin tyńdaýǵa tárbıeleý;
Kórnekilik materıal: úlestirmeli materıaldar, ınterbelsendi taqta, oqýlyq,
Sabaqtyń ádisi: kórnekilik, suraq - jaýap, izdendirý, óz betinshe jumys, áńgimeleý, óz pikirin aıta alý.
Eskertý: prezentasıa gıpersiltemeler arqyly jasalǵan. Ár strelkaǵa basyp, kerekti slaıdqa kóshesiz.

Sabaqtyń barysy:
I. Uıymdastyrý. Sálemdesý.
Sálemdesý, túgendeý, oqýshylardyń sabaqqa daıyndyqtaryn tekserý.
Baǵalaý paraqtaryn taratý.
Úı jumysyn tekserý.

İİ. Jańa taqyrypqa shyǵý. Qyzyǵýshylyǵyn oıatý.
- Kirispe.
Qazaqtyń balalar jazýshylarymen tanysý. (Interbelsendi taqtamen jumys: 1 - i slaıd - ár portretke bassaq, jazýshylardyń ómirbaıanymen qysqasha tanysýǵa bolady)
1. Tyńdalym (Q. Myrzalıevtiń «Septeý» óleńin tyńdaý)
Bul óleńde kim týraly aıtylǵan? Bul óleńdi kim jazǵanyn bilesińder me?
Marat degen sózin septeý. (Oqýshylar ózderin tekserip, baǵalaý paraqqa upaı qoıady)
Sabaqtyń taqyryby men maqsattaryn ashý.

III. Negizgi kezeń.
2. Oqylym. Mátinmen jumys.
A) Mátindi ishteı oqý, daýystap mánerlep oqý.
Á) Jańa sózdermen tanysý.
V) Tirek syzba boıynsha aqyn týraly áńgimeleý.(juppen jumys, bir - birin tekserý, baǵalaý paraǵyna upaı qoıý)
3. Jazylym – dáptermen jumys. (Kártishkemen jumys)
1 - tapsyrma: Mátin boıynsha sóz tirkesterin durys qurastyrý.(óz - ózin tekserý)
2 - tapsyrma: Shashylǵan sózderden durys sóılem qurastyrý.
3 - tapsyrma: Artyq sózdi tabý (jalqy zat esimdermen jumys, ereje degen sózge basqanda, oqýshy erejeni eske alady).
4 - tapsyrma: Mátindegi etistikterdi tuıyq formaǵa qoıý. (óz - ózin tekserý)
5 - tapsyrma: Sóılemderdiń durys - burystyǵyn anyqtaý.(bir - birin tekserip, upaı qoıý)
6 - tapsyrma: Test suraqtaryna jaýap berý. (bir - birin tekserý)
4. Tildesim.
Úlgi boıynsha dıalog qurastyryp, ózara sóılesý. (bir - birin tekserý)
5. Aıtylym.
Shyǵarmashylyq jumys: kitap týraly bir ulaǵatty sózdi tańdap alyp, óz pikirin jazý. (4 - 5 sóılem). Ár oqýshynyń jaýabyn tyńdap, qatelerin túzetip, muǵalim ózi baǵa qoıady.

IV. Refleksıa. «Alty qalpaq» tehnıka boıynsha jumys. Oqýshylar ózderine bir qalpaq tańdap alady. Ár qalpaqqa saı suraq bolady. Suraqqa baılanysty oqýshy ótken sabaq týraly óz pikirin aıtady.
Aq qalpaq: Sabaqta ne bildiń?
Sary qalpaq: Sabaqta ne qyzyq boldy?
Qyzyl qalpaq: Búgingi sabaq sende qandaı emosıa týǵyzdy?
Qara qalpaq: Sabaqta qandaı qıyndyqpen kezdestiń?
Jasyl qalpaq: Ne isteýge bolady? Ideıalaryń bar ma?
Kók qalpaq: Nege qol jetkizdik? Ne bilgiń keledi?

V. Baǵalaý: Oqýshylar reıtıń paraqtarynda upaılaryn sanap, muǵalimge tapsyrady. Muǵalim kim qalaı jumys istegenin talqylaý júrgizedi.
VI. Úı tapsyrmasy: 1) Qadyr Myrzalıevtiń «Septeý» óleńin jattap kelý;
2) 158bet, 2 - tapsyrma;