InfoHub Logo

Qaırat Boranbaev tarıhı jeńisten keıin jelide jazba jarıalady
"Qaırat" FK baqylaý keńesiniń tóraǵasy Qaırat Boranbaev áleýmettik jelide tarıhı jetistikke qatysty pikir bildirdi, dep habarlaıdy Infohub.kz.

Boranbaev óz jazbasynda komandanyń jyldar boıy eńbektenip, dál osy sátke jetýdi maqsat etkenin basa aıtty. Ol Qazaqstan fýtbolynyń da Chempıondar lıgasynyń ánurany shyrqalatyn deńgeıge kóterile alatynyn dáleldegenin jazdy.
«Akademıadaǵy júıeli jumys, ınfraqurylymǵa salynǵan qarjy, óz tárbıelenýshilerimizge qoldaý — bári uzaqmerzimdi nátıje berdi. Shetelden daıyn sheshim izdeýdiń qajeti joq: elde óz komandańdy, óz fýtbol mektebińdi qalyptastyrýǵa bolady», - dep jazdy ol.
Qaırat Boranbaev bul jeńis aıanbaı eńbek etken júzdegen jannyń — bapkerlerdiń, dárigerlerdiń, taldaýshylardyń, tárbıeshilerdiń, oıynshylardyń jeńisi ekenin atap ótti.

«Bul jolda senim de, kúsh te, arman da bar. Biz muny jankúıerler úshin jasadyq. Qala úshin. Elimiz úshin. Sebebi Qazaqstannyń fýtboldyq áleýeti bar. Almatyǵa eýropalyq alpaýyt klýbtardyń kelýi úshin. Bizdiń balalardyń óz armany bolýy úshin. Qazaqstanda maqtan tutatyn komanda bar ekenin dáleldeý úshin», - dep qosty Boranbaev.