InfoHub Logo

Halyqaralyq uıymdar Baqytjan Tóreǵojınaǵa shyqqan sot sheshimin aıyptady

Belgili quqyq qorǵaýshy Baqytjan Tóreǵojınaǵa qatysty sot sheshimi halyqaralyq deńgeıde alańdaýshylyq týǵyzyp otyr. Irlandıanyń Dýblın qalasynda ornalasqan Front Line Defenders quqyq qorǵaý uıymy belsendini ákimshilik jazaǵa tartýdy synǵa aldy.

Uıymnyń málimdeýinshe, Tóreǵojına saıası tutqyn Marat Jylanbaevtyń densaýlyǵyna qatysty alańdaýshylyq bildirip, áleýmettik jelide jarıalaǵan jazbasynan keıin qýdalaýǵa ushyraǵan.

«Qazaqstan bıligi quqyq qorǵaýshyny jazalaý arqyly azamattyq qoǵamdy únsizdikke ıtermelep otyr. Biz bılikti sot sheshiminiń kúshin joıýǵa jáne Baqytjan Tóreǵojınanyń qaýipsizdigin qamtamasyz etýge shaqyramyz», – delingen uıymnyń málimdemesinde.

Másele BUU deńgeıinde de nazarǵa alyndy. Atalǵan jaǵdaıǵa BUU-nyń arnaıy baıandamashysy resmı túrde alańdaýshylyq bildirip, Qazaqstan bıligin halyqaralyq adam quqyqtary standarttaryn saqtaýǵa shaqyrdy.

Quqyq qorǵaýshyǵa shyǵarylǵan sheshim – eldegi azamattyq erkindik pen sóz bostandyǵyna qatysty halyqaralyq qaýymdastyqtyń burynnan aıtyp kele jatqan syn-pikirlerin taǵy bir márte rastap otyr.