InfoHub Logo

Mektep baǵdarlamasyna dıktant, mazmundama jáne shyǵarma sıaqty dástúrli jazba jumystary qaıta oralady. Bul týraly Oqý-aǵartý mınıstri Juldyz Súleımenova málimdedi. Mınıstrdiń aıtýynsha, bul sharalar oqýshylardyń tildik daǵdylaryn jetildirip, logıkalyq oılaýyn damytýǵa septigin tıgizedi.

Bul týraly Infohub.kz aqparat agenttigi habarlaıdy.

Jańa oqý jylynan bastap

Jańa oqý jylynan bastap mektepterde quqyqtyq bilim berýge erekshe kóńil bólinedi. «Adal azamat» tujyrymdamasy aıasynda oqýshylardyń zań aldyndaǵy jaýapkershiligin arttyrý kózdelgen.

Jańartylǵan jospar boıynsha, 5-7 synyptarda «Konstıtýsıa negizderi», 8-9 synyptarda «Zań jáne tártip» pánderi oqytylady. Al joǵary synyptarda «Quqyq negizderi» páni tereńdetilip, zańnamalardy taldaýǵa basa nazar aýdarylady.

Bilim sapasy men tárbıe

Mınıstr «Keleshek mektebi» jobasynyń mańyzdylyǵyn atap ótip, bilim berý uıymdarynda tártip pen tazalyqty saqtaýdyń, muǵalimderdiń jumysyn jańǵyrtýdyń qajettigin aıtty. Mekteptiń tek bilim beretin oryn ǵana emes, ult bolashaǵyn qalyptastyratyn tárbıe ortasy ekenine toqtaldy.

Sońǵy tórt jylda bilim sapasy 55,5 paıyzǵa ósken. 2025-2026 oqý jylynda 300-den astam oqýshy respýblıkalyq baıqaýlarda, 27 oqýshy halyqaralyq olımpıadalarda jeńimpaz atandy.