InfoHub Logo

Mańǵystaý oblysy, Boranqul selosy.
Qazaq tili jáne ádebıeti páni muǵalim
Joldasqalı Móldir

İ. Sabaqtyń taqyryby: Abaı Qunanbaev «Qansonarda búrkitshi shyǵady ańǵa»
Sabaqtyń urany: «Asyl sózdi izdeseń,
Abaıdy oqy erinbe»
Sabaqtyń maqsaty:
a) bilimdilik: oqýshylardy burynǵy qazaq aýlyndaǵy ańshylyq ónerimen tanystyrý. Óleńniń kórkemdigi, sheber beınesin alty baǵyt arqyly aıqyndaý.
á) damytýshylyq: oqýshylardyń eske saqtaý qabiletin damytý, olardy izdenimpazdyqqa, baıqampazdyqqa úıretip, oı - órisin keńeıtý.
b) tárbıelik: oqýshylarǵa ańshylyqtyń kásiptik mańyzynan basqa adamnyń kóńil kúıne áser etetin saıattyq óner, onyń qus salyp, ıt júgirtý sıaqty túrine aqynnyń kóńil kúıin oqýshy júregine jetkizý, ańshylyq jaıynda olardyń estetıkalyq sezimin oıatý, adamgershilikke, eńbekqorlyqqa tárbıeleý.
Sabaqtyń túri: Panoromalyq sabaq
Sabaqtyń kórnekiligi: Abaı portreti, shyǵarmalary, tehnıkalyq quraldar, sózdik
Pán aralyq baılanys: beıneleý, ulttyq kórinis
Sabaqtyń ádisi: Toptastyrý strategıasy, satylaı keshendi taldaý, baıandaý, mánerlep oqý, suraq – jaýap, oı túıindeý.

İİİ. Jańa sabaq.
1. Oı qozǵaý baǵyty (strategıasy)
a) Abaı qaı jyldarda ómir súrdi
á) Aqynnyń jyl mezgiline baılanysty jazǵan óleńderi
b) Aqynnyń biz tanysqan qara sózderi.

2. Maǵynany tabý baǵyty (strategıasy)
Óleńdi mánerlep oqý, oqytý.
Oqýlyqta berilgen sózdermen sózdik jumys
Qansonar – jańa jaýǵan qardyń ústindegi aq izi.
Ǵanıbet – qyzyq, tamasha maǵynasynda.
Talaǵa – búrkittiń eki kózine kıgizetin «bas kıimi»
Qasa – aıryqsha sulý.
«Úıirimen úsh toǵyz» - olja berý, qanjyǵaǵa baılaý.
Segiz naıza – búrkit tyrnaqtary
Qyryq pyshaqpen qyrjańdap – túlkiniń tisin qaırap, aıbat shegýi
Qyrmnan – alystan.
Ańshy – qusbegi – qyran – túlki:
Oqýshyǵa oı túıindetý.
Iaǵnı, qusty qolǵa úıretip, baýlıtyn adam – qusbegi. Ol qyrandy ańǵa salyp, túlki aýlaıdy. Ol – óner adamy, aqyn, qys mezgilindegi alǵashqy qar sulýlyǵyn ańshylar áreketimen ushtastyra beıneleıdi.

3. Toptastyrý baǵyty (startegıasy): Ańshylyq, ol – kásip.
«Qyran qus ne almaıdy salsa baptap» Abaı
A eńbekti
Ń eptilikti
Sh mergendikti
Y shapshańdyqty
L sheberlikti
Y qyraǵylyqty
Q sáttilikti.

4. Qarama qarsy elementter baǵyty (strategıasy)
«Óleń kórkemdiligi onyń tilinde». Endeshe, Zeınola Qabdolov aıtqandaı, óleńdegi ár sóz adamnyń jol júıesimen, kóńil – kúıimen, sezim tolqyndarymen ózekti baılanysady.
Óleńdegi túlki men búrkittiń arpalysyn beıneleıtin tarmaqtardy tap, oqy: «Bireýi kók, bireýi - jer taǵysy,
Adam úshin batysyp qyzyl qanǵa,
Qar appaq, búrkit – qara, túlki – qyzyl,
Uqsaıdy qosa sulý shomylǵanǵa.» - degen joldardan qandaı qarama – qarsy tús, túr, qubylysty kórýge bolady degen suraqqa oqýshylar aq, qara, qyzyl, jer taǵysy, kók taǵysy sózderin aıqyndaıdy.