InfoHub Logo

Ánshi Qaraqat Ábildına qyzy Aıalannyń týǵan kúnine oraı júrekjardy jazba jarıalady.

Bul týraly Infohub.kz aqparat agenttigi habarlaıdy.

Ýaqyttyń zymyrap ótýine tańdanys

Óner ıesi qyzynyń sahnada án aıtyp júrgenin kórip, ýaqyttyń qalaı tez ótkenine tańǵalǵanyn jasyrmady. «Keshe ǵana alaqanyma syıyp júrgen sábıim, búgin kıeli sahnada ánin halyqqa jetkizip tur… Ýaqyt degen qandaı shirkin…», – dep jazdy ol.

Qyzyna arnaǵan ánniń máni

Ánshi qyzyna arnap jazdyrǵan ánniń ózi úshin erekshe maǵynaǵa ıe ekenin atap ótti. «Bul ánde — tegiń bar, tárbıeń bar, babanyń qany, ananyń meıirimi, eldiń batasy bar…», – dedi Qaraqat Ábildına.

Atalǵan án alǵash ret Respýblıka saraıynyń sahnasynda shyrqalǵan. Ánshi sol sáttegi analyq sezimin bylaısha sýrettedi: «Talaı dúldúlder men bulbuldardyń úni qalǵan sahnada qyzyńdy kórý — ana júregine syımaıtyn sezim eken… Janym qyzym! Alla seni til-kózden saqtasynshy?! Óskenińdi el kórsin!»