InfoHub Logo

(sabaq josparynyń úlgisi)
Sabaqtyń taqyryby: Qarsylyqty salalas qurmalas sóılem
Sabaqtyń maqsaty:
Bilimdilik: Qarsylyqty salalas qurmalas jáne onyń jalǵaýlyqty, jalǵaýlyqsyz túrleriniń jasalý joldaryn meńgertý.
Damytýshylyq: Zeıin, ynta qabiletterin, oı - óristerin damytý, BBD qalyptastyrý.
Tárbıelik: Mádenıetti sóıleýge, tazalyqqa, uqyptylyqqa, saýattylyqqa tárbıeleý.
Sabaqtyń túri: dástúrli
Oqytý ádisteri: túsindirý, taldaý - jınaqtaý, úsh ólshemdi oqytý, sıtýasıalyq, kitappen jumys, kórnekilik, toppen jumys
Kórnekilikter: kartochkalar, oqýlyq, t. b.
Sabaqtyń túri: dástúrli sabaq
Oqytý ádisteri: túsindirý, suraq - jaýap, kitappen jumys, problemalyq, taldaý, jeke jumys t. b.
Kórnekilikter: ınteraktıvti taqta, oqýlyq, ádebıet (8 - synyp) t. b.
Pánaralyq baılanys: ádebıet
Qosymsha materıaldar: G. Qosymova, N. Qurmanova Qazaq tili (8 - synyp, ádistemelik nusqaý), N. Oralbaeva, T. Ábdiǵalıeva, B. Shalabaev «Praktıkalyq qazaq tili»

Sabaqtyń barysy: 1. Uıymdastyrý kezeńi (amandasý, oqýshylardy túgendeý, taqyrypty jáne maqsatyn habarlaý)

2. Úı tapsyrmasyn tekserý
- Sebep - saldar salalas qurmalastyń jasalý joldary?
- Sebep - saldar salalas qurmalas jasaıtyn shylaýlar? Olardyń máni?
- Tynys belgileriniń qoıylý jaǵdaılary?
Jattyǵýlar tekseriledi

3. Jańa sabaq
a). Jańa materıaldy túsindirý
Quramyndaǵy jaı sóılemderdiń birindegi is, oqıǵa ekinshisindegi is, oqıǵaǵa qarama - qarsy bolatyn salalas qurmalastyń túrin qarsylyqty salalas deımiz.
Qarsylyqty salalas jalǵaýlyqty, jalǵaýlyqsyz bolyp ekige bólinedi.
Taqtada: 1. Jalǵaýlyqsyz q. s.
Mys: Jánibekke aqsaqal shara toly qymyzdy usynyp edi, - han basyn shaıqady. Barshagúl sálem berip edi, - ol qyryn qarap ketti (útir, syzyqsha qoıylady).
2. Jalǵaýlyqty q. s. biraq, alaıda, degenmen, sonda da, áıtse de, jalǵaýlyqtary arqyly jasalady.
Mys: Kúńgir daýys qulaǵyma keledi, biraq maǵan jaýap qaıtarǵan eshkim joq. ( útir qoıylady).
Ánkesh meni jiberer emes, sóıtse de men bolmaı oqýǵa kettim. ( útir qoıylady).
Jattyǵýlarmen jumys
106 - jattyǵý. Berilgen jaı sóılemderge oılaryńnan qarama - qarsy mándi jaı sóılem jazyp, qarsylyqty salalas qurańdar.
107 - jattyǵý. Qarsylyqty salalastyń qaı túri ekenin anyqtap, tynys belgileriniń qoıylý sebepterin anyqtańdar.
Jeke jumys.
Deńgeılik tapsyrmalary bar kartochkalar beriledi.

4. Jańa sabaqty bekitý
- Qarsylyqty salalas?
- Jasalý joldary?
- Jalǵaýlyqty, jalǵaýlyqsyz túrlerine mysaldar keltir.
- Tynys belgileri qalaı qoıylady?

5. Úıge tapsyrma
- Ereje jattaý. 105, 108 - jattyǵýlar
6. Baǵalaý

Astana qalasy, №10 mektep – gımnazıa
Qazaq tili men ádebıeti páni muǵalimi
Týlebaeva Aıgúl Qoshqarbaıqyzy

Qarsylyqty salalas qurmalas sóılem. júkteý