depositphotos.com
Qatar men Oman Iranmen atysty toqtatý týraly kelissóz bastady
Parsy shyǵanaǵyndaǵy eki el – Qatar men Oman – Iranmen atysty toqtatý týraly kelissózderdi bastap ketti. Bul týraly derekkózderge silteme jasap, The Washington Post basylymy habarlady.
Bul kelissózder AQSH pen Izraıldiń Iranǵa qarsy áskerı kúshteri jaqyn arada eldegi bılikti qulata almaıtynyna kóz jetkizgennen keıin bastaldy. Iran tarapy AQSH pen Izraıl shabýyldy birinshi toqtatsa, ǵana kelissózderge kelisetinin málimdegen.
Buǵan deıin Axios portaly amerıkandyq bıliktiń jaǵdaıdy retteý joldaryn qarastyryp jatqanyn habarlaǵan bolatyn. Tegeran tarapynan bul týraly Mysyr men Qatar arqyly aqparat alǵandary aıtylǵan. BAQ málimetinshe, Iran tarapy eger olarǵa ótemaqy tólenip, áskerı is-qımyldardyń qaıta bastalmaıtynyna kepildik berilse, kezdesýge kelisýge daıyn.
AQSH pen Izraıldiń Iranǵa qarsy operasıasy 28 aqpannan beri jalǵasyp keledi. Tel-Avıv bul árekettiń maqsaty – Irannyń ıadrolyq qarý alýyna jol bermeý ekenin aıtsa, Vashıngton eldiń áskerı áleýetin joıýǵa jáne bılikti qulatýǵa shaqyrdy.
-
Amerıkanskıe senatory rassmotrelı vozmojnye posledstvıa voennogo konflıkta s Iranom, vklúchaıa ýgrozy dlá sýdohodstva ı stabılnostı Persıdskogo zalıva.
-
Qaraǵandy oblysynyń Shahtınsk qalasyndaǵy turǵyn úıde gaz balony jarylyp, saldarynan 8 adam zardap shekti. Olardyń beseýi - polısıa qyzmetkerleri.
