InfoHub Logo

(Kórinis)

(Sahnaǵa eki qyz shyǵyp, aına aldynda turǵandaı kórermenderge qarap ústi-bastaryn túzep, shashtaryn jóndeı bastaıdy. Kenet Fatıma eki betin shapattap):

— Sulýlyq​ — bettiń jyltyraǵanynda emes,​ ıman men bilimniń qatar jarqyraǵanynda! Men — ımandy, aqyldy,​ bilimdi,​ kórkem minez, sulý qyzbyn!​ Men — baqyttymyn! Mende jaman minez joq!​ Mende qyzǵanysh,​ kórealmaýshylyq,​ jekkórýshilik,​ renish,​ maqtaný,​ tákapparlaný sezimderi joq!​ Men — aqyldy, baqytty, sulý qyzbyn!​ - dep shabytpen aıta bastaıdy.

(Baǵanadan beri oǵan tańdana qarap turǵan Ámına):

— Psıhologıalyq sabaqtardy kóp kórip qoıǵan joqsyń ba? Qylyǵyń birtúrli ǵoı?​ - deıdi keketip.

Fatıma:

— A,​ Ámına!​ Bul jattyǵý «mıdy sendirý»​ nemese «mıdy aldaý»​ dep atalady. Bizdiń ómirimizde mıdyń qyzmeti basty rol atqarady. Biz neni kóp oılaımyz,​ sony ómirimizge kóbirek tartamyz! - deıdi janyn sala túsindirip.

Ámına:

—​ Sonda «men baımyn»,​ «men baımyn» - desem baı bolyp,​ «men sulýmyn», «men sulýmyn»​ - desem sulý bolyp ketem be?!

Fatıma:

— Birden emes!​ Biraq mı sengen nárseni ózine tartady.

Ámına:

— Fatıma,​ qıaldanbaı sabaǵyńdy oqyshy! Áıtpese erteń hımıadan taǵy tómen bal alyp qalasyń!​ Qury affermasıa eshnárseni sheshpeıdi!​ Eńbek etý kerek,​ eńbek!

(Fatıma kózin jumyp,​ kúbirlep,​ áldenelerdi aıtyp,​ sahnadan shyǵyp ketedi. Onyń sońynan kóz almaı qaraǵan Ámına):

— «Men baımyn»,​ «men baqyttymyn!» «Men aqyldymyn»,​ «men sulýmyn» -​ (dep Fatımany qaıtalap,​ beti-aýzyn qısańdata qaıtalap,​ tyrqyldap bir kúlip alyp,​ kitabyn qolyna alady. Osy kezde telefonnyń daýsyn barynsha shyǵaryp, bıznes trenıń tyńdaǵan Marıam sahnaǵa shyǵady.

Qarap qalǵan Ámına):

— Sen Bıznespen aýyryp,​ Fatıma psıhologıamen aýyryp júr eken.​ Basqa qyzdar nemen aýyryp júr?​ - dep suraıdy.

Marıam:

— A,​ Ámına, sálem! Bul — zaman talaby.​ Eldiń bári osylaı aqsha taýyp júr.​ Men de úırenip júrmin.​ Odan da kel,​ birge tyńdaıyq?! - dep jaqyndaı túsedi.

Ámına:

— Jo-joq!​ Raqmet!​ Kerek emes! - dep yrshyp túsedi.

Marıam:​

—​ Oqymysty qurbym!​ Aıtshy,​ andaǵy kitaptan saǵan qandaı paıda bar?
​
Ámına:

— Eger men sabaǵymdy jaqsy oqysam,​ onda UBT-dan joǵary bal jınaımyn. Joǵary bal jınasam,​ qalaǵan oqýyma túsemin! Qalaǵan maman ıesi bolamyn!

Marıam:

— Qıalısyń qurbym!​ Mektep baǵdarlamasy qazirgi zamanda mańyzdy emes.​ Zaman ózgergen qazir.

Ámına:

— Qatelesesiń Marıam! Ǵylym​ — qashan da mańyzdy. Qashan da ózekti!​

Marıam:

— Jaraıdy qurbym! Seniki durys! Oqı ber!​ Al men bıznes jolyn tańdadym.​ Qazirgi zaman oqyǵandardyki emes,​ saýdanyń kózin tapqandardyki! Ekeýmizdiń jolymyz eki basqa eken qurbym! (Vebınaryn qaıta qosqan Marıam, dańǵyrlatyp sahnadan qaıta shyǵyp ketedi.)

Ámına:

— Ne bolyp ketti ózi..?!​ Bireýi — psıholog, bireýi — bıznesmen, bireýi — ıýtýber, bireýi — vaıner! Sonda kim muǵalim,​ kim dáriger bolady?!​ Barlyǵy aqsha qýyp,​ baıýdy kózdep ketse,​ ǵylym salasy ne bolmaq?!​ Osy Abaı atamyz:​ «Dúnıe de ózi mal da ózi, ǵylymǵa kóńil bólseńiz» - demep pe edi?! Meıli,​ elde sharýam joq!​ «Alty Alashtyń balasy bas qosqanda,​ tórdegi oryn muǵalimdiki»- dep,​ Ahmet atamyz tegin aıtpaǵan bolar. Men — ustazdyq jolyn tańdadym! Kóp oqyp,​ kóp úırenip,​ bar bilgenimdi shákirtterime úıretemin- dep sheshtim!​ (Sahnadan ketedi.)

13.04.2023

---