InfoHub Logo

Ata-babalarymyz qashanda erteden ettiń uzaq saqtalýyn bilse kerek. Onyń ústine, jas etten góri súr ettiń paıdasy aıtarlyqtaı ekeni ısi qazaqqa anyq.

Qazaqstannyń ár oblysynda etti ózinshe súrleıdi, osy turǵyda ony saqtap, súrleýdiń túrli tásilderimen tanystyrýdy jón kórip otyrmyz.

Tuzdap súrleý

Soǵymnyń surpy eti ǵana emes, qazysy men qartasy, jaly men jaıasy, omyrtqasy men tós eti de súrlenedi. Etti kún kózine tıgizbeı, salqyn jerde keptirip alý kerek.

Qaryn-súrme

Qaryn-súrme tásili etti qarynǵa tyǵyp saqtaý arqyly júzege asady. Munda sıyrdyń nemese qoıdyń etin tuzdap, qarynǵa salǵanda ózine sińedi.

Maldy úıitip saqtaý

Terisin sypyrmaı, úıitip alyp saqtaıdy. Mundaı et óte dámdi bolady.

Un ishinde súrleý

Qazy-qarta, jal-jaıa syndy baǵaly etterdi osylaı saqtaǵan. Unnyń ishine et tereńirek salynyp qoıylady.

Qaınatyp alyp keptirý

Jas etke tuz sińgen soń ony qazanda bir qaınatyp alyp, keptiredi. Etti juqalap qaqtaıdy, keshki salqynda ilip qoıý kerek.

Ystap súrleý

Ystap súrlegende otty byqsytady. Sosyn etterdi shoshala ishinde sarǵysh tútinde ystaıdy. Etti shoshalaǵa ilip, tútinde ystaý qajet etiledi, biraq, ystaýdyń ózindik mólsheri bolǵany jón.

Al, siz et súrlegende qaı ádisti qoldanasyz?

---