InfoHub Logo

«Qaıyrymdylyq - adamgershilik belgisi»
Merekelik kesh júrisi

Júrgizýshi: Men ózimniń sózimdi qazaqtyń uly aqyny Abaıdyń «Adamzattyń bárin súı baýyrym dep» degen danalyq sózin búgingi keshimizdiń epıgrafy retinde bastalǵaly turmyn.
«Qaıyrymdylyq - adamgershilik belgisi» atty merekelik keshimizdiń negizgi maqsaty qamqorsyzǵa qamqor bolý, taǵdyrdyń jazǵanymenen jaraly bolǵandarǵa járdem berý, jas urpaqtyń boıyna adamgershilik, izgilik, qamqorlyq, qaıyrymdylyq sıaqty asyl qasıetterdi boıyna darytý bolsa, Qazaqstan Respýblıkasynyń 2007jylǵy 27 shildedegi «Bilim týraly» Zańyn iske asyrý maqsatynda áleýmettik jaǵynan qorǵalmaǵan jáne kúnkórisi tómen otbasylarynan shyqqan oqýshylarǵa qarjylaı jáne materıaldyq kómek kórsetýdi qolǵa alyp otyr.

Júrgizýshi: Ómirdi men jomart dep aıta almaımyn
Beker aıttym eken dep aıta qaıta almaımyn
Óıtkeni bireýlerge baqyt qonsa,
Bireýler sorlap jatyr baıqalmaı tym.
Ómirdi jumaq dep te tańdanbaımyn
Sazdy áýenge elitip aldanbaımyn
Bir áýmeser esirse esi ketip,
Bireýlerdi kúrsintip júr tolǵan qaıǵyń.
Bul ómir tátti de emes tamsanatyn
Jetkizip aıta almaǵan qanshama aqyn
Oısyzdarǵa oı salǵan oqpan bolyp
Asyp – tasqan jerinde án salatyn
Kúlki emes kúmbir qaǵyp móldiregen
Anańnyń júregi emes eljiregen
Erkeletip boıyna úıretip ap,
Keýdeńe keptep qoıar jeldi údegen
Keıde jurttyń bárinen artyq etip,
Túsirmeıdi qolynan asyq etip.
Bul ómirge, apyr-aý daýa barma?
Keıde nuqyp tastaıdy jasyq etip.
Qyzyǵy da ómirdiń osy bolar,
San qıly minezimen tosyp alar.
Birde sıpap mańdaıdan, birde soǵyp,
Baýyryndaı qushaqtap qosyp alar.

Júrgizýshi: Armysyzdar qymbatty qonaqtar, ardaqty ata analar, ulaǵatty ustazdar, oqýshylar! Búgingi «Qaıyrymdylyq - adamgershilik belgisi» atty merekelik keshimizge qosh keldińizder! Qazaqtyń jaqsy qasıetteriniń asyly – jomarttyq, keń peıildilik. Ol adamǵa qyzmet qylyp, jaqsylyq jasaýǵa peıildi janǵa tán sıpat. Jomart bolý - ózińde bardy zárý adammen shyn júrekten bólisý. Osyǵan oraı aýdandyq bilim berý bólimi 2010 jyldyń 11 qańtary men 11 aqpan aralyǵynda aýdan aýmaǵyndaǵy barlyq mektepte jalpyǵa birdeı bilim berý aılyǵyn ótkizdi. Aılyq barysynda «Beıneý lıseıi» - de oqýshylardyń tolyq tizimi jasalyp, aqyly esi shekteýli jáne turmysy tómen jáne kóp balaly otbasynan, jartylaı jetim men sátsiz otbasynan shyqqan bilim alýshylar anyqtaldy. Atalǵan shara aıasynda Beıneý lıseıinde turmysy tómen otbasy balalaryna kómek kórsetý maqsatynda «Qamqorlyq» qaıyrymdylyq aksıasy uıymdastyrylyp, demeýshi bolǵysy keletin 33 ata - ana óz úlesterin qosyp, nátıjesinde 52600teńge kóleminde 12 oqýshyǵa qystyq kıimder men oqý quraldarymen qaıyrymdylyq kómek kórsetildi. Mektepte áleýmettik jaǵynan az qamtylǵan 20 oqýshyǵa mektep asqanasynan tegin ystyq tamaqpen qamtamasyz etildi. Balanyń bir ýaqyt tamaǵy úshin 179 teńge quraıdy. Asqanadan beriletin ystyq tamaqtyń sapalyǵyn, gıgıenalyq talaptaryn baqylaý úshin arnaıy komısıa qurylyp qadaǵalandy. Tegin tamaq berilip otyrǵan balalardyń ártúrli taǵdyry bar. Olar mektep ujymy men ata - analar komıtetiniń jan - jaqty tekserýinen keıin osy múmkindikke jetip otyr. Mektep asqanasyn júrgizip otyrǵan jeke kásipker Bátıma Serikbaeva óz qarajatymen 13 jartylaı jetim balany ystyq tamaqpen tamaqtandyrsa, 7 «a» synyp oqýshylary óz erikterimen qarjylaı kómek qolyn sozdy.
Órkenim óssin deseń,
Kekshil bolma -
Kesapaty tıer elińe.
Elim óssin deseń,
Órshil bolma -
Óskenińdi óshiresiń.
Janashyry joq jarlyǵa
Járdemshi bol asyǵa,
Qıyn qystaý kúnderde
Ózi keler qasyńa.