InfoHub Logo

«Qazannan qaqpaq ketse, ıtten uıat ketedi» deıdi. Bizdiń jas memleketimizdiń qaqpaǵy ashylǵan kórinedi. Sondyqtan uıaty ketkender talan-­tarajǵa salyp jatqany ashylyp jatyr. Osyndaı kúdik kóbimizdiń kóńilimizde júrgen. Burynnan. Qaıda ketip jatyr, Qazaqstannyń baılyǵy degen. Al, biraq, naq basyp, tap basyp eshqaısysymyz aıta alǵan joqpyz. Munaıdan túsetin, kómirden túsetin, altynnan, kúmisten túsetin, mystan túsetin kiris degen joq mynanyń ishinde. Myna biz osy shet memleketterden nesıe degendi alyp jatyrmyz, alyp jatyrmyz. Amerıkadan Japonıaǵa deıin. Sonyń barlyǵy bas­-aıaǵy qansha?! Qaı jerge jumsaldy? Qaı maqsatqa ketti? Osynyń kózin ashý kerek. Myna basshylyqtan, bilmeımin, qolynan ázir ol áreket keletin emes. Myna siz ben biz – halyq sengen depýtattar osynyń kózin ashyp, naqtylap, halyqqa óziniń dáýletin óziniń qolyna bereıik» degen Sherhan Murtazanyń sózderinen sol kezdiń jaǵdaıyna qatty kóńil bólgeni, halyqtyń qamyn jegen naǵyz zamanynyń depýtaty ekeniń ańǵarýǵa bolady.

Nege bul Sherhan Murtazanyń sózin qaıta ortaǵa salyp otyrmyn?

Qazirde elimizde osyndaı jaǵdaılar joq emes. Halyq kúnkórisine aqsha jetkize almaǵanda, bıliktegilerdiń saırandap júrýi jaramas ty. Bıliktiń halyq jaǵdaıyna beı-jaı qaraǵan zamany osy boldy. Túrli kelensiz zańdar shyǵyp, neshe túrli problemar týyndap jatyr. Baıyrǵy babalarymyz amanat qylǵan el men jerge qazirge tańda qıanat jasalǵandaı. Árkim óz degenimen, óz bilgenimen júrgen synaıly. Búginde bılik aıtsa halyq narazylyq týdyryp, kelispeýshilikter oryn alýda. Bul jaǵdaıda kimdi jaqtaryndy bilmegeninniń ózi qorqynysh uıalatady. Osynyń barlyǵy eń birinshi halyqqa aýyr tıetin jaǵdaı. Sol zamanda Sherhan Murtaza aıtyp ketkendeı «Halyqtyń baılyǵyn óz qolyna bereıik» degen bir aýyz sózin jerge taptaǵan bılik ókilderi amanatqa qıanat jasady desek te qatelespeımiz. Zaman aǵymyna saı ózgerip otyrǵan álemde, nege qazaq halqynyn jaǵdaıy ózgermedi?!

---