InfoHub Logo

     (Syqaq)

 

Qazaq pen araqtyń ara- jigi

Qashan birikkenin,

Az - mazyraq jilik tegin.

Qashan bolǵanda...

Qazekeń

Erteden araq - sharaptyń dámin bilip júrgen,

Qara taıaqtar,

İship alyp yrjaqtap kúlip júrgen.

Biraq araqqa boı bere qoımaǵan, Aqyry,

HX - ǵasyrdyń ekinshi jartysynda

Arakeń

Qazaqty myqtap súrindirgen.

Shal - kempiri,

Uly - qyzy, juraǵaty

Kún demeı tún demeı,

Sýsha simirgen.

İshpese tura almaıtyn kúıge jetti.

Sóıtip araq qazaqty

Kúızeltti, kúńirentti,

Talaı jaısań kelmeske burdy betti.

Órtenip ólgeni, yǵyp ólgeni,

Ózine - ózi pyshaq suǵyp ólgeni.

Asylǵany,

Avarıada kúli shashylǵany.

Ózgesin bulaı qoıyp,

Ýǵa bas urǵany,

Sandaǵan myńǵa jetken bolar.

Muny bir deńiz,

Oryspen qosylyp irgemiz,

Tyńdy ıgerýge bilek túrgenbiz.

Oǵan deıin az ishkenbiz,

Qonystas bolǵan soń básekege túskenbiz.

Olar etigin jýsa,

Biz de jýǵanbyz.

Taýyǵy jumyrtqalap,

Sıyr týsa,

Qýanyshyn bóliskenbiz.

Talaı, talaı

«Rýsskaıa vodkany» bóle ishkenbiz.

Kele-kele olar bizdiń mańymyzǵa

-Mańyńyz ne?

-Qara shańymyzǵa

İlespeı qalǵan.

Óıtkeni maldan

Bizde bıe bar,

Ol qulyndamaı ma?

Qazekeń  qulyndy yrymdamaı ma?

Sodan qulyndy jýmaı ma?

Qoı - qozy, eshki - laqty

Aýyzǵa alý artyq mundaıda.

Sonan soń Qudaı bere salǵan,

Kúttirgen úmit aldan.

Sý muryndar da jeterlik

Jylda bir - bir qursaq kóterip,

Oǵan táýba etelik,

Jatatyn jeńgeler,

Kelinder az ba?

Biri qysta, biri jazda

Shaqalaqty jýý,

Jyl boıy úzilip kórdi me?

Qysqasy, Qudaı qazaqqa berdi de

Turdy,

Berdi de  turdy.

Bir jaǵynan Qudaı berip jatsa,

Ekinshi jaǵynan shaıtan uryp,

Jiberdi emes pe máńgi qylyp.

Sodan aıtyp - aıtpaı ne kerek?

It bolyp úrip,

Shoshqadaı qorsyldadyq.

Búrkitshe búrip,

Birimizdi – birimiz óltirdik uryp.

Eń sońǵy bir derek,

Endi

Aptalap, aılap jatyp

İshýdi shyǵardyq

Kóılek - kónshegimizdi satyp.

Tıý kórmeı ul ósti,

Tárbıe kórmeı qyz ósti.

Áıelimizdi sońymyzdan erttik,

Mas bolǵan áıelin arqalap

Júrgenin erkektiń

Kórmedim ar sanap.

Já, osy da jeter endi,

Qazaǵym, eńseńdi kóter endi!

«Bir jumaqtyń, bir tozaǵy bar» degen,

Uıat - namys,

Qalǵymasa ar degen,

Qaıta oral qazaqy qalpyńa!

Babadan mıras saltyńdy

Ashtyra berme araqqa!

Ana bir tasa jerińdi

Kórsetpeıtin jalpyǵa.

 

Cúleımen Baıazıtov

---