InfoHub Logo

Qazaqstan men Ózbekstan Baıqońyr ǵarysh aılaǵyn damytý maqsatynda birlesken týrısik baǵyt ázirleýde. Bul joba ǵarysh jáne ındýstrıaldy týrızmdi damytýǵa baǵyttalǵan.

Bul týraly Infohub.kz aqparat agenttigi habarlaıdy.

Baıqońyrdy týrısik ortalyq retinde damytý

Qazaqstan tarapy Ózbekstan kásipkerlerimen jáne týrısik operatorlarymen birlesip, elder arasyndaǵy týrısik aǵymdy arttyrýǵa baǵyttalǵan kombınırlengen týrpaketter usynýǵa daıyn ekenin bildirdi. Bul bastama Qyzylorda oblysynyń týrısik áleýetin ashýǵa jáne ǵarysh aılaǵyn halyqaralyq deńgeıde tanymal etýge yqpal etedi.

Týrpakettiń erekshelikteri

Josparlanǵan týr baǵdarlamasy aıasynda týrıser «Soıýz» zymyran-tasyǵyshynyń montajdaý-synaq jumystaryn tamashalaı alady. Sondaı-aq, zymyrannyń tasymaldanýy men ushyrý alańyna ornatylý kezeńderin kórýge, ǵarysh aılaǵynyń murajaılary men tarıhı oryndaryna barýǵa múmkindik beriledi. Eń bastysy – zymyrannyń ushyrylýyn tikeleı kórýge bolady. Alaıda, jylyna birneshe ret qana júzege asatyn ushyrýlardy tamashalaý úshin aldyn ala tirkelý qajet.

Halyqaralyq qyzyǵýshylyq

Buǵan deıin Baıqońyrǵa týrısik saparlarmen qyzyǵýshylyq tanytqan Avstralıa azamattary týraly da aqparat taraǵan bolatyn. Olardyń Baıqońyrda tórt kún bola alatyn múmkindigi bar. Alaıda, olar ushýǵa daıyndyq týraly memlekettik komısıa otyrystaryna, kosmonavttardyń baıandamalaryna qatysa almaıdy jáne zymyrandy montajdaý-synaq kesheninen shyǵarý rásimin kóre almaıdy. Qalǵan barlyq nysandar men alańdarǵa barýǵa, sondaı-aq ushyrýdy jaqynnan tamashalaýǵa ruqsat etiledi.