Qazaqstan fýtbol federasıasynyń burynǵy basshysyna qatysty tergeý bastaldy
Qazaqstan fýtbol federasıasynyń (QFF) burynǵy basshylary, onyń ishinde eks-prezıdent Ádilet Barmenqulov pen basqa da laýazymdy tulǵalar tergeýge alynýda. Bul týraly áleýmettik jelilerde taraǵan aqparatty Qarjy monıtorıńi agenttigi (QMA) resmı túrde rastady.
"BAQ tarapynan kelip túsken suranystarǵa jaýap retinde QMA Qazaqstan fýtbol federasıasynyń burynǵy basshylyǵyna qatysty sotqa deıingi tergeý bastaǵanyn rastaıdy," – delingen agenttik taratqan habarlamada.
Qazirgi tańda tergeý amaldary men tintý sharalary júrgizilýde. QFF-nyń eks-basshylaryna qandaı aıyp taǵylǵany jáne tergeýdiń naqty qandaı is boıynsha júrgizilip jatqany ázirge belgisiz.
Bul oqıǵa Qazaqstan fýtbol federasıasyndaǵy qarjylyq jáne basqarýshylyq máselelerge qatysty suraqtardy qaıta kún tártibine shyǵardy. Sońǵy jyldary eldegi fýtbol salasyna bólinetin qarjy men onyń jumsalý tıimdiligi jıi synǵa ushyrap keledi.
Tergeý barysy týraly qosymsha aqparat jaqyn kúnderi belgili bolýy múmkin.
You Might Also Like
-
Reseıde ınflásıa halyq úshin eń ózekti problemaǵa aınaldy. Baǵa ósimi men ómir súrý deńgeıiniń tómendeýi Ýkraınadaǵy soǵys pen Batys sanksıalarynan da mańyzdyraq másele retinde qarastyrylýda. Bul tý...
-
21 aqpan kúni, Jańaózen qalasynda Bozjyrada týrısik nysandar salý boıynsha aldyn ala qoǵamdyq tyńdaý ótti.
