InfoHub Logo

Qazaqstannyń Katardaǵy elshiligi aımaqtaǵy shıelenisken jaǵdaı men áýe qatynasynyń ýaqytsha shektelýine baılanysty elge orala almaı júrgen azamattarǵa úndeý tastady. Dıplomatıalyq ókildik memleket evakýasıa tetigin iske qosyp, Saýd Arabıasy astanasy arqyly arnaıy reısterdi jiberý jumystary júrgizilip jatqanyn habarlady.

Bul týraly Infohub.kz aqparat agenttigi habarlaıdy.

Evakýasıalyq reıster qalaı josparlanýda?

Elshiliktiń málimetinshe, evakýasıalyq ushaqtar Er-Rıadqa baǵyttalmaq. Dohadaǵy qazaqstandyqtardy sol jaqqa avtobýspen jetkizý kózdelgen.

Jol júrý ýaqyty on saǵatqa deıin sozylýy múmkin. Shekara ótý jáne baqylaý-ótkizý pýnktterindegi kezek kútýge baılanysty bul merzim uzarýy yqtımal.

Osyǵan oraı, azamattardy saparǵa aldyn ala daıyndalýǵa shaqyrady.

«Joldyń uzaqtyǵyn eskere otyryp, múmkindiginshe aýyz sý men jeńil taǵamdardy, sondaı-aq qajetti jeke dári-dármekterdi ózińizben birge alýyńyzdy suraımyz», - dep habarlady elshilik.

Kimder birinshi shyǵarylady?

Elshilik toptardy qalyptastyrýdaǵy basymdyqtardy belgiledi:

Qazaqstandyqtarǵa ne bilý mańyzdy?

Elshilik Saýd Arabıasyna kirý úshin aldyn ala rásimdelgen vıza qajet ekenin atap ótti. Vızany «Visit Saudi» saıty arqyly nemese Qazaqstandaǵy týrısik agenttikter arqyly rásimdeýge bolady.

Vıza rásimdeý kezeń-kezeńimen júzege asyrylady.

«Bul kezeńde tek 28 aqpanda ushýy tıis bolǵan azamattarǵa ǵana vıza rásimdeý qajet», - dep naqtylady dıplomatıalyq ókildik.

Kelesi toptarǵa vıza rásimdeýdiń bastalǵany týraly qosymsha habarlanatyn bolady.

«Evakýasıalyq áýe reısteri daıyn bolǵan saıyn jáne kelesi toptar qalyptasqan kezde, elshilik tıisti azamattarǵa vıza rásimdeýdiń bastalǵany týraly qosymsha habarlaıdy», - dedi elshilik.

Ne daıyndaý qajet?

Elshilik shyǵatyn azamattarǵa mynadaı usynystar berdi:

Naqty shyǵý ýaqyty, jınalatyn oryn jáne tizimderdi qalyptastyrý tártibi bólek habarlanatyny aıtyldy.

Elshilik qyzmetkerleriniń joǵary júktememen jumys istep jatqanyn jáne ár habarlamaǵa jedel jaýap bere almaıtynyn atap ótti.

«Barlyq azamattardan sabyr saqtaýdy, jaýapty organdardyń nusqaýlaryn qatań oryndaýdy jáne elshilik qyzmetkerleriniń júktemesin eskere otyryp, árbir ótinishke jeke jaýap berýdiń fızıkalyq múmkin emestigin túsinistikpen qaraýdy suraımyz», - delingen habarlamada.

Elshilik reıster daıyn bolǵan saıyn azamattardy aldaǵy qadamdar týraly jedel habardar etetinine sendirdi.