InfoHub Logo

«Kaspıı» taýar bırjasy men Belarýs ámbebap taýar bırjasy ózara yntymaqtastyq týraly memorandýmǵa qol qoıdy.

«Kaspıı» taýar bırjasy men Belarýs ámbebap taýar bırjasy ózara yntymaqtastyq týraly memorandýmǵa qol qoıdy. Qujat ózara saýdany damytý, tájirıbe almasý jáne birlesken jobalardy iske asyrý úshin negiz bolady.

Memorandýmǵa qol qoıý rásimi 2025 jylǵy 5 naýryzda Astanada eki bırjanyń ókilderi jáne resmı tulǵalardyń qatysýymen ótti.

Memorandýmǵa qol qoıý óńirdiń eki jetekshi bırjasynyń ózara is-qımylyn tereńdetýge baǵyttalǵan mańyzdy oqıǵa boldy.

Qujat birlesken jobalardy iske asyrýdy, saýda tetikterin jańǵyrtýdy jáne operasıalyq tıimdilikti arttyrýǵa jáne taýar naryqtaryna qatysýshylardyń ıntegrasıasyn kúsheıtýge múmkindik beretin ınovasıalyq sheshimderdi engizýdi kózdeıdi.

«Qol qoıylǵan memorandým biz úshin yntymaqtastyqtyń aýqymdy perspektıvalaryn ashady. Bul jaı ǵana resmı qadam emes, bul bizdiń bırjalarymyz úshin eń jaqsy tájirıbelermen almasýdyń, saýdany damytýdyń jáne elderimizdiń ekonomıkasynyń ósýine yqpal etýdiń naqty múmkindigi. Bizdiń birlesken kúsh-jigerimiz neǵurlym ashyq jáne serpindi saýda ortasyn qurýǵa ákeletinine senimdimiz», — dep atap ótti «Kaspıı» taýar bırjasy» AQ prezıdenti Murat Qadısov.

«Belarýs ámbebap taýar bırjasy» AAQ Basqarma tóraǵasy Aleksandr Osmolovskıı «Bul memorandým – bizdiń halyqaralyq bırjalyq naryqty damytý jónindegi jalpy strategıamyzdyń nátıjesi. Memorandým uzaq merzimdi yntymaqtastyqtyń negizi bolady jáne saýda-sattyqqa qatysýshylar úshin jahandyq naryqqa tıimdirek shyǵýǵa múmkindik berip, olarǵa qolaıly jaǵdaı jasaıdy», – dep, birlesken bastamalardyń bolashaǵyna senim bildirdi.

Taraptar sondaı-aq qol qoıylǵan qujat Belarýs Respýblıkasy men Qazaqstan Respýblıkasy arasyndaǵy saýda qatynastaryna oń áser etetin jańa tıimdi saýda tetikterin qurý úshin negiz bolatynyn atap ótti.

ANYQTAMA

«Kaspıı» taýar bırjasy» AQ – munaı ónimderin, kómirdi jáne sementti qosa alǵanda, taýarlardyń keń spektrimen saýda jasaýǵa mamandanǵan Qazaqstannyń jetekshi bırjalyq alańy. «Kaspıı» taýar bırjasy» AQ Energetıkalyq bırjalardyń eýropalyq qaýymdastyǵyna (EUROPEX) qaýymdastyrylǵan múshe retinde kiredi. S&P Global halyqaralyq reıtıń agenttiginiń ESG-baǵasyna ıe. BUU Jahandyq shartynyń tolyqqandy qatysýshysy bolǵan TMD aýmaǵyndaǵy alǵashqy bırjalyq alań sanalady.

«Belarýs ámbebap taýar bırjasy» AAQ – ashyq jáne básekege qabiletti saýda ortasyn qamtamasyz etý úshin qurylǵan Shyǵys Eýropadaǵy eń iri taýar bırjalarynyń biri. Bırja halyqaralyq qatysýshylardyń Belarýs naryǵyna qol jetkizýin jeńildete otyryp, eksporttyq-ımporttyq operasıalardy belsendi damytyp otyr. Bul Shyǵys Eýropadaǵy eń iri spot bırja. Jyl saıyn BÁTB-de 4 mlrd USD astam somaǵa 500 myńnan astam kelisim jasalady, al klıenttik bazasy 35 500 astam klıentti quraıdy.