InfoHub Logo

Qazaqstanda merzimdi áskerı boryshyn ótep júrgen sarbazdarǵa nesıe tólemderin keıinge shegerý múmkindigi berildi. Qorǵanys mınıstrliginiń málimetinshe, "kredıttik demalys" engizý arqyly sarbazdar nesıe qaryzyn ýaqytsha tólemeýge múmkindik alady.Bul týraly Infohub.kz tilshisi habarlaıdy.

Búgingi tańda 17 myńnan astam áskerı qyzmetshi jalpy somasy 6,6 mlrd teńgege jýyq nesıe tólemderin keıinge qaldyrý múmkindigin ıelengen. Bul qadam olardyń nesıe qaryzyn óteý máselesin ýaıymdamaı, Otan aldyndaǵy boryshyn óteýine jaǵdaı jasaıdy.

Qarjy uıymdary men memleket arasyndaǵy kelisimniń negizinde:

• Nesıeniń negizgi qaryzy men syıaqysy keıinge shegeriledi.
• Qaryzdy óndirý nemese sotqa júginý toqtatylady.
• Májbúrli óndirip alý men sot sheshimderin oryndaý ýaqytsha toqtatylady.

Nesıe tóleý mindettemesi ýaqytsha toqtatylady

Qarjy naryǵyn retteý agenttigi bank qaryzdary men mıkrokredıtter týraly aqparatty jınaqtap, nesıe berýshilerge joldaıdy. Osyǵan sáıkes, áskerge shaqyrylǵan sarbazdardyń nesıeleri 13 aıǵa deıin shegeriledi, al bul ýaqytta olardy sotqa berý, aıyppul qosý nemese jyljymaıtyn múlikti tárkileý júzege aspaıdy.

Bul bastama jastardyń áskerge barý úrdisin jeńildetip, Otan aldyndaǵy mindetin abyroımen óteýine múmkindik beredi.