InfoHub Logo

Uıymdastyrylǵan oqý is – áreketniń
tehnologıalyq kartasy
Toptyń jas ereksheligi: eresek top
Bilim berý salasy: «Shyǵarmashylyq»
Bólimi: sýret salý
Taqyryby: «Qazaqstan – meniń týǵan ólkem»
Maqsaty: balalardy týǵan ólkesi Qazaqstannyń tabıǵatynyń sulýlyǵymen tanystyrý.
Týǵan jerdiń kórinisin qaǵazǵa túsire bilýge úıretý, óz eline degen súıispenshilik pen patrıottyqqa tárbıeleý. Sýretshiniń bere bilgen kóńil - kúıdi seziný qabilettiligin qalyptastyrý, tabıǵattyń árbir qubylysy ózinshe tamasha ekendigin seziný.
Qural - jabdyq: týǵan ólkemizdiń tabıǵatty beınelengen sýretteri, molbert, jaı qaryndash jáne qylqalam men akvarel boıaýy, aq qaǵaz.
Sózdik jumys: týǵan ólkem, sýretshiler A. Cherkasskıı, A. Mambeev, Á. Kasteev.
Qostildilik komponent: týǵan ólkem - rodnoı kraı.

Uıymdastyrylǵan oqý is – áreketiniń barysy:
İ. Motıvasıalyq – qozǵaýshylyq kezeńi.
Pedagog balalardy «Qýanysh sheńberine» turǵyzady.
Balalar «Qýanysh sheńberine» turyp.
Araılap búgin atty kún,
Shashty búgin shapaǵyn
Tileımiz aq tańnyn
Qýanyshyn shattyǵyn.
Qaıyrly tań,
Qaıyrly tań!
Qýanyshty kún búgin.

Pedagog «Tanysý» oıynyn oınatady.
Oıynnyń sharty boıynsha kelgen balaǵa men suraq qoıamyn.
- Seniń atym kim?
- Meniń atym – Ilás
- Jasyń neshede?
- Jasym – beste.
- Sen qandaı Respýblıkada turasyn?
- Men Qazaqstan Respýblıkasynda turamyn.
- Elbasy kim?
Elbasy N. Á. Nazarbaev.
- Jaraısyńdar balalar!

İİ. İzdený – uıymdastyrýshylyq kezeńi.
Pedagogtyń áńgimesi:
- Bizdiń súıikti Otanymyz Qazaqstannyń keń baıtaq ekenin aıtamyz. Sozylyp jatqan keń – dala, bıikke aspandap kóterilgen taýlar, asaý tolqynyn jaǵaǵa uryp jatqan Kaspıı teńizi, Balqash kóli, ózender men kólder, shýlaǵan orman men saıabaqtar. Jyldyń qaı mezgili bolsa da, osynyń bári adam balasyn tolqytyp qýantady. Biraq eń negizgisi - týǵan tabıǵatymyzdyń ádemiligin baıqaı bilýdi úırený, onyń qaıtalanbas sulýlyǵyn sezine bilý. Tabıǵattyń kez - kelgen buryshy ózgeshe jaqsy. Balalar muqıat tyńdaıdy.
Sońdyqtan sýretshiler ózderiniń shyǵarmalarynda qońyr kúzdi, gúldegen dalany, alǵashqy qardy, qysqy saıabaqtardaǵy gúlzarlardy, taǵy da basqa kórinisterdi adam balasynyń qýanýy men tańqaldyrý úshin beıneleıtinin bilýge bolady.
Aqyn M. Álimbaevtyń «Meniń – Qazaqstanym» óleńin oqyp berý.
Pedagog taqtaǵa A. Cherkasskııdyń «Qara aǵashtar», A. Mambeevtyń «Qıiz úıde», Á. Qasteevtiń «Muz aıdyny - Medeý» atty shyǵarmalaryn iledi.
Balalarǵa qazaq dalasynyń kórkemdigin, qazaq halqynyń kıiz úıin, jaılaýdy qaǵazǵa boıaý arqyly saldyrýdy usynady. Ár túrli boıaýlardy tańdaýdy, qaǵaz betine durys ornalastyrýdy baqylaıdy.
Balalar shyǵarmalar týraly, týǵan ólkeniń tabıǵatty týraly áńgimelep beredi.

Sergigý sátti:
Al balalar turaıyq,
moınymyzdy buraıyq.
Qolymyzdy sozaıyq,
Jel sıaqty qalyqta,
Ońǵa, solǵa ıilip
Denemizdi buraıyq.
Balalar mýzyka yrǵaǵymen týǵan ólkeniń tabıǵatty týraly túrli tústi akvarel boıaýlaryn qoldana otyryp sýret salady.

İİİ. Refleksıvti kezeńi.
Sabaqty qorytyndylaý.
- Balalar, búgingi salǵan sýretteriń óte ádemi shyqty, olardan kórme jasaıyq.
Balalar ózderiniń sýretteri jaıly áńgimelep beredi.

Kútiletin nátıje:
Biledi: týǵan ólkesiniń tabıǵatyn beıneleý bilý.
Igeredi: tabıǵatty sezinedi; onyń sulýlyǵyn, qaǵaz betine túsiredi.
Meńgeredi: qylqalamdy durys ustap, boıaýlardy durys tańdap, tabıǵatty beıneleıdi.