InfoHub Logo

Qazaqstan Qarýly Kúshteri Bas shtabynyń burynǵy basshysy, general-leıtenant Sultan Qamaletdınov 40 jyldan astam qyzmet etken áskerı jolyn zeınetkerlikpen aıaqtady. Bul týraly Qorǵanys mınıstrliginiń baspasóz qyzmeti habarlady.

Bul týraly Infohub.kz aqparat agenttigi habarlaıdy.

Ulttyq áskerı-patrıottyq ortalyǵynda ótken saltanatty sharaǵa Qorǵanys mınıstrliginiń basshylyǵy, ardagerler jáne Aqmola garnızonynyń jeke quramy qatysty. Qorǵanys mınıstriniń birinshi orynbasary – Qarýly Kúshter Bas shtabynyń bastyǵy, general-leıtenant Qanysh Ábýbákirov Sultan Qamaletdınovke kóp jylǵy qyzmeti men armıany reformalaýǵa qosqan úlesi úshin alǵys bildirdi.

«Kásibı basshy retinde tanyldy»

«Siz júıeli oılaýy bar, salmaqty sheshimder qabyldaı alatyn jáne baǵynyshtylarymen syılastyq qarym-qatynas ornata alatyn joǵary kásibı basshy retinde tanyldyńyz. Siz áskerı qyzmetshilerdiń keıingi urpaqtary úshin minsiz áskerı boryshty óteýdiń úlgisi bolyp qalasyz», - dep atap ótti Qanysh Ábýbákirov.

Saltanatty rásim barysynda Sultan Qamaletdınov Qurmet qaraýyly rotasynyń aldynda Áskerı týmen qoshtasty. Qyzmet etken jyldary ol «Dańq» ordeniniń I jáne II dárejesimen, al jumystan shyqqan kúni vedimistik «El qorǵany» medalimen jáne Qorǵanys mınıstriniń gramotasymen marapattaldy.

Áskerı joly

Sultan Qamaletdınov Qarýly Kúshterde 40 jyldan astam qyzmet etti. Ol Túrkistan joǵary tank komandalyq ýchılıshesiniń kýrsantynan Qorǵanys mınıstriniń birinshi orynbasary – Qarýly Kúshter Bas shtabynyń bastyǵy laýazymyna deıingi joldy júrip ótti.

«Qyzmettik mansabynyń ártúrli kezeńderinde ol joǵary quzyrettilikti, minezdiń myqtylyǵyn jáne adamgershilik danalyǵyn talap etetin jaýapty laýazymdardy atqardy. Ol áskerı polısıa organdarynyń qyzmetine, rezervtegi qyzmetke, aýmaqtyq qorǵanysqa jáne áskerı qyzmetshilerdi áleýmettik qorǵaýǵa qatysty negizgi zań jobalaryn ázirleýge jáne ilgeriletýge qatysty», - dep atap ótti vedomstvodan.

Qorǵanys mınıstrligi bolashaqta Sultan Qamaletdınovti áskerı-patrıottyq tárbıe jobalaryna tartýdy josparlap otyr. Kezdesý ortalyqtyń shyǵarmashylyq ujymynyń ónerimen qorytyndylandy.

Aıta keteıik, 17 qańtarda Sultan Qamaletdınov Qazaqstan Respýblıkasy Qorǵanys mınıstriniń birinshi orynbasary – Qarýly Kúshter Bas shtabynyń bastyǵy qyzmetinen bosatylǵan bolatyn.