InfoHub Logo

Almatyda QYZMET atty Kýrerler Odaǵy quryldy

Qazaqstanda alǵash ret kýrerlerdiń múddelerin qorǵaýǵa baǵyttalǵan qoǵamdyq uıym — QYZMET kýrerler odaǵy quryldy. Bul bastama 2025 jyldyń mamyr aıynda júzege asty. Odaqtyń negizin qalaýshysy — profesor, ǵylym doktory Almas Muhametov, al uıym tóraǵasy bolyp Rınat Shaıahmetov taǵaıyndaldy.

Kýrerlerdiń quqyqtary men qaýipsizdigi kún tártibinde

Almas Muhametovtiń aıtýynsha, kýrerler uzaq ýaqyt boıy áleýmettik jáne eńbek quqyqtarynan tys qalyp keledi. Olar kúnine 10–12 saǵat jumys isteıdi, demalyssyz, medısınalyq saqtandyrýsyz jáne eńbek shartysyz. Platformalarmen jumys isteý kezinde olar 40%-ǵa deıingi komısıa tóleıdi, al keıde akkaýnttary sebepsiz buǵattalady.

Sondaı-aq, kýrerlerdiń demalatyn aımaqtary joq, sanıtarlyq jaǵdaılar jasalmaǵan, platforma ıelerimen jáne memleketpen baılanys álsiz.

QYZMET odaǵy qandaı máselelerdi sheshýdi kózdeıdi?

Kýrerler odaǵy kelesi baǵyttarda jumys júrgizýdi josparlap otyr:

1. 24/7 qoldaý qyzmetin iske qosý – zańger, psıholog jáne keńesshi mamandar qoljetimdi bolady.

2. "Almaty kýrer kartasyn" jasaý – demalys oryndary, qaýipti aımaqtar men sanıtarlyq núkteler kórsetiledi.

3. Oqý platformasyn iske qosý – jol júrý erejeleri, ózin-ózi jumyspen qamtý, quqyqtyq saýattylyq.

4. Agregatorlarmen tarıfterdi ashyq etý jóninde kelissózder júrgizý.

5. Kýrer eńbegin zańmen moıyndatý jáne qorǵaý úshin zań jobalaryn usyný.

"Kýrer – bul ýaqytsha jumys emes, bul mamandyq"

Qazirgi tańda Almatyda 20 myńnan astam kýrer jumys isteıdi. Al búkil el boıynsha olardyń sany 500 myńǵa jýyq, dep habarlaıdy QR Eńbek mınıstrligine silteme jasaǵan BAQ.

Almas Muhametovtiń pikirinshe, kýrerler — qazirgi zamanǵy ekonomıkanyń kórinbeıtin qozǵaýshy kúshi. Olardy "qosymsha qyzmet" retinde emes, qoǵamnyń tolyqqandy múshesi retinde taný qajet. Prezıdent Qasym-Jomart Toqaev udaıy azamattyq qoǵam men eńbek ádilettiligi máselelerin kóterip keledi. Bul baǵyttaǵy bastamalar da memleket saıasatyna saı keledi.

Kýrerlerdiń shynaıy daýysy: Sıeze aıtylǵan oqıǵalar

2025 jyldyń 25 mamyrynda Almatyda QYZMET odaǵynyń alǵashqy quryltaı sezi ótti. Sharaǵa 150-den astam adam qatysty: kýrerler, zańgerler, sarapshylar.

Kýrer Ernazar (Shymkent):

«Bankke qujat aparyp bara jatqanda súrinip, aıaǵymdy syndyryp aldym. Eshkim kómektespedi. Saqtandyrý da, keshirim de bolmady. Biraq men synyp qalǵan joqpyn. Endi bizde Odaq bar. Biz jalǵyz emespiz.»

Shyńǵys (Almaty):

«Men dárigermin. Biraq kýrer bolyp jumys isteýge májbúr boldym. Qazir Odaqtyń arqasynda bizdi kóredi. Eńbegimiz elenip keledi.»

Bekarys (Almaty):

«Koreıada eńbekke qurmetpen qaraıdy. Biz de sondaı qurmetke laıyqpyz. QYZMET – bul bizdiń daýsymyz.»

Kýrerlerge kómek qalaı kórsetiledi?

QYZMET kýrerler odaǵy ázirge óz qyzmetterin tegin kórsetip otyr. Alty aıdan keıin múshelik jarna — aıyna 1000 teńge bolmaq. Baılanys úshin:

📱 Instagram: @qyzmet_kz1
🎥 TikTok: @qyzmet_kz
💬 Telegram: t.me/qyzmetkz
📞 Telefon: +7 771 975 15 10
📧 Email: qyzmet.kz11@gmail.com