InfoHub Logo

Shymkentte ótken dinı sıpattaǵy shara barysynda ázilkesh Ǵalymjan Qurmanbektiń "jánnatqa talon" saýdalaǵany jaıly vıdeo áleýmettik jelide tarap, qoǵamda túrli pikir týǵyzdy. Vıdeo kadrlarynda Qurmanbek qolyna talon ustap, «Jánnatqa asyǵaıyq! Jánnatqa talasyńdar!» dep, quny 1 mıllıonnan 50 mıllıon teńgege deıingi aralyqtaǵy qaǵazdardy kópshilikke usynyp jatqany beınelengen.

Sharada jınalǵandardyń biri 1 mıllıon teńgeni qolma-qol shyǵaryp, “jánnat talondaryn” satyp alǵan sáti de vıdeoǵa túsip qalǵan. Bul jaǵdaıǵa qatysty ázilkeshtiń ózi de tańdanysyn jasyra almaı, «Jigitterdiń qaltasynda ásheıin 1 mln teńge júr me? Bazar joq. 10 mlndyq talonnan ekeý ketti», – dep aıtyp, el arasynda pikir týǵyzdy.

Qoǵam belsendileri men jeli qoldanýshylary mundaı áreketti dinı senimmen oıynǵa aınaldyrý dep baǵalap, teris qabyldaýda. Qazir bul is-shara men onyń mazmunyna qatysty jaýapty organdardyń túsiniktemesi kútilýde.