InfoHub Logo

Qazaqstanda mindetti avtosaqtandyrý polısiniń qunyn esepteý tártibi ózgeredi. Qarjy naryǵyn retteý jáne damytý agenttigi (QNRDA) daıyndaǵan qaýly jobasy boıynsha, «bonýs-malýs» júıesi qaıta qaralady. Bul ózgerister barlyq kólik ıelerine áser etedi.

Bul týraly Infohub.kz aqparat agenttigi habarlaıdy.

Júrgizýshiler úshin jańashyldyqtar

Jańa erejelerde burynǵy 15 synyptyq «bonýs-malýs» júıesinen aıyppuldyq eki synyp (M2 jáne M1) alynyp tastalady. Eń tómengi synyp «M» bolyp qalady, onyń koefısıenti 2,45-ke teń. Bul ózgeris eń tártipsiz júrgizýshiler úshin saqtandyrý syıaqysyn 30%-ǵa deıin tómendetýge múmkindik beredi.

Al apatty jaǵdaılarǵa kelgende, eger júrgizýshi kinásinen adam ólimine nemese qylmystyq jaýapkershilikke ákep soǵatyn jol erejesin buzýshylyq bolsa, oǵan 20% ústemeaqysy bar «M» synyby beriledi. Bul jaǵdaıda koefısıent 2,94-ke jetedi.

Skıdkalar azaıady

Kerisinshe, bezavarıalyq júrgizýshiler úshin koefısıentter ósedi. Mysaly, eń joǵary 13-shi synyp boıynsha koefısıent 0,50-den 0,70-ke deıin ulǵaıtylady. Bul degenimiz, 50% skıdka 30%-ǵa deıin qysqarady.

0, 1, 2 jáne 3-shi synyptar úshin koefısıentter ózgerissiz qalady: 2,30, 1,55, 1,40 jáne 1,00.

Saqtandyrýshylardyń quqyǵy keńeıedi

Eń mańyzdy jańalyqtardyń biri – saqtandyrýshylar endi klıenttiń táýekeldiligin ózderi baǵalaı otyryp, polıs qunyn 10%-ǵa deıin ózgerte alady. Buǵan deıin barlyq klıentter úshin birdeı koefısıent qoldanylǵan bolatyn. Endi saqtandyrý kompanıalary klıenttiń jeke táýekelderin eskere otyryp, polıs baǵasyn 10%-ǵa deıin arzandata nemese qymbattata alady. Bul sheshimderdi kompanıanyń dırektorlar keńesi bekitip, árbir klıent úshin biryńǵaı bazada tirkelýi tıis.

Budan bólek, aýmaqtyq koefısıentterge qatysty ózgerister de qarastyrylýda. Alaıda, 17 oblys pen Almaty, Astana, Shymkent qalalary boıynsha koefısıentter ózgerissiz qalady. Bul joba mıllıondaǵan qazaqstandyq júrgizýshilerdiń múddesine qatysty bolǵandyqtan, onyń túpkilikti nusqasy men qabyldaný merzimi kópshilik talqylaýynyń qorytyndysyna baılanysty bolady.