Qazaqstanda Eýropalyq ımmýndaý aptalyǵy bastaldy
Qazaqstanda 27 sáýir men 3 mamyr aralyǵynda Eýropalyq ımmýndaý aptalyǵy ótýde. Bıyl shara «Barlyǵyn ımmýndaýǵa qol jetkizý – bizdiń qolymyzda» uranymen uıymdastyrylyp otyr.
Aptalyqtyń basty maqsaty – vaksınasıanyń ómirdi saqtaýdaǵy mańyzdylyǵyn eske salý. Egýdiń arqasynda elimizde 1996 jyldan beri polıomıelıt, 2009 jyldan bastap dıfterıa aýrýlary tirkelmegen. Sondaı-aq epıdparotıtpen syrqattaný 100 eseden, A gepatıti 32 ese, V gepatıti 92 ese, al qyzamyqpen syrqattaný 2000 eseden astam tómendedi.
Qazirgi tańda ulttyq ımmýndaý baǵdarlamasy 21 ınfeksıadan qorǵaýdy qamtamasyz etedi. Degenmen sońǵy ýaqytta qyzylsha jáne kókjótel boıynsha epıdemıologıalyq jaǵdaı alańdatýda: qyzylsha boıynsha 75% jáne kókjótel boıynsha 87% jaǵdaı josparly vaksınasıa almaǵan balalar arasynda tirkelgen.
Jańa ózgeristerge saı, 2024 jyldan bastap Ulttyq vaksınasıa kúntizbesine 11-13 jas aralyǵyndaǵy qyzdarǵa adam papılloma vırýsyna (APV) qarsy egý engizildi. Qazirdiń ózinde bir dozamen 133 169 qyz, al eki dozamen 21 194 qyz egilgen.
You Might Also Like
-
Ózin-ózi qol jumsaý — qazirgi qoǵamdaǵy eń aýyr jáne kúrdeli psıhologıalyq máseleniń biri.
-
Basy daýǵa qalǵan bloger Daricorn býllınge ushyraǵan balanyń otbasynan keshirim surady,dep habarlaıdy Infohub.kz.
