InfoHub Logo

Qazaqstanda jasóspirimder qylmysy kúrt kóbeıdi: 5 aıda 900-den asa is tirkeldi

Qazaqstanda kámeletke tolmaǵandar arasyndaǵy qylmys deńgeıi alańdatarlyq kórsetkishke jetti. 2025 jyldyń alǵashqy bes aıynyń ózinde jasóspirimderge qatysty 931 qylmystyq is qozǵalǵan. Bul byltyrǵy osy kezeńmen salystyrǵanda 46 paıyzǵa kóp, dep habarlaıdy Atameken Business.

Resmı málimetke súıensek, tirkelgen isterdiń teń jartysy aýyr, al 31-i asa aýyr qylmys retinde baǵalanǵan. Sarapshylar jasóspirimder arasynda urlyq, alaıaqtyq, tonaý jáne adam densaýlyǵyna qasaqana zıan keltirý sıaqty áreketter keń taralǵanyn aıtyp otyr.

Bul másele «Túski format» baǵdarlamasynda keńinen qozǵaldy. Baǵdarlama sarapshylarynyń pikirinshe, qylmystyń kóbeıýine birneshe faktor áser etip otyr:

• Áleýmettik baqylaýdyń álsireýi,
• Ata-ana men mekteptiń tárbıelik róliniń tómendeýi,
• Internet pen áleýmettik jelilerdegi agresıalyq kontenttiń áseri.

Mamandar bul dabyldy eskertý retinde qabyldap, jasóspirimdermen aldyn alý jumysyn kúsheıtý qajet ekenin basa aıtady.