InfoHub Logo

Qazaqstanda jol qozǵalysyn baqylaý júıesinde eleýli ózgerister bolady. Endi jol erejesin buzǵandarǵa tek aqshalaı aıyppul emes, sonymen qatar «aıyppuldyq bal» esebinen jaza qoldanylmaq. Bul jańashyldyq júrgizýshilerdiń ómirine aıtarlyqtaı áser etedi dep kútilýde.

Bul týraly Infohub.kz aqparat agenttigi habarlaıdy.

Júrgizýshi kýáliginen aıyrylý qaýpi

Jańa júıe boıynsha, bir jyl ishinde 20 bal jınaǵan júrgizýshilerdiń kýáligi alty aıǵa avtomatty túrde toqtatylady. Odan keıin kólik júrgizýdi qaıta bastaý úshin júrgizýshiler jol erejesin bilýi boıynsha emtıhannan qaıta ótýi tıis.

Jas júrgizýshiler men jaıaý júrginshilerge de qatysty

Bul jańalyq tek tájirıbeli júrgizýshilerge ǵana emes, áli kólik tizgindemegenderge de áser etedi. Eger júrgizýshi kýáligi joq adam jol erejesin buzyp, 20 bal jınasa, oǵan aldaǵy alty aıda kólik júrgizý kýáligin alýǵa tyıym salynady.

Pılottyq rejım jáne psıhologıalyq baǵalaý

Qazirgi tańda bul júıe Astana, Almaty jáne Shymkent qalalarynda pılottyq rejımde synalyp jatyr. Bolashaqta júıeli buzýshylardyń joldaǵy agressıvti minez-qulqynyń sebepterin anyqtaý maqsatynda psıhologıalyq baǵalaý engizý de qarastyrylýda.

Italıa tájirıbesi

Eýropanyń 21 elinde qoldanylatyn mundaı baldyq júıe Italıada jol apattarynan bolatyn ólim-jitimdi alǵashqy jyldarynda 25%-ǵa azaıtqan. Bul júıeniń basty artyqshylyǵy – áleýmettik ádildik prınsıpi. Aqshalaı aıyppul yqpal etpeıtin baılar úshin de, júrgizýshi kýáliginen aıyrylý qaýpi barlyǵyn eskere otyryp, barlyq júrgizýshilerdi birdeı tártipke shaqyrady.

Jyldamdyqty baqylaý

Baldyq júıemen qatar, Qazaqstanda ortasha jyldamdyqty anyqtaıtyn júıeler de keńinen engiziledi. Bul tek aqyly tas joldarda ǵana emes, eldi mekender ishinde de qoldanylady. Osylaısha, júrgizýshilerdiń kameralar aldynda ǵana jyldamdyqty báseńdetýine jol berilmeıdi.