InfoHub Logo

Qazaqstanda mektep baǵdarlamasyna saılaý quqyǵy negizderi kýrsyn engizý josparlanýda. Bul jaıynda QR Ortalyq saılaý komısıasynyń múshesi Sábıla Mustafına málim etti.

«Saılaýshylardy elektoraldy oqytý bilim berýdiń orta, kásibı, tehnıkalyq, joǵary jáne joǵary oqý ornynan keıingi bilim syndy barlyq deńgeılerinde úzdiksiz proses bolýy tıis», - dedi ol Ortalyq saılaý komısıasynyń ashyq otyrysy barysnyda.

Onyń atap ótýinshe, orta mektepterdiń joǵary synyptarynyń oqý baǵdarlamasyna jáne joǵary oqý oryndarynyń baǵdarlamasyna saılaý quqyǵy negizderi týraly kýrs engizý  QR Bilim jáne ǵylym mınıstrligi basshylymen, Astanadaǵy mektepterdiń, kolejder jáne joǵary oqý oryndarynyń ókilderimen birge aldyn ala qarastyrylǵan.

«Mektepterdiń 9-11 synyptary úshin «Adam. Qoǵam. Quqyq» pániniń oqý baǵdarlamasyn qaıta qaraý ýaǵdalastyǵyna qol jetkizildi. Oqytýdyń oıyn túrin júrgizý esebinen saılaý quqyǵy kýrsynyń kólemin 1 saǵattan 2 saǵatqa deıin ulǵaıtý kerek. Munan bólek, olımpıadalar, baıqaýlar men pikirtalastar uıymdastyrǵan jón. Bul rette Ortalyq saılaý komısıasy oqytýdyń mundaı túrine ádistemelik qoldaý kórsetip otyrady. Kolejderdiń 1-2 kýrsynda oqýshylar úshin quqyq negizderi, saıasattaný jáne áleýmettaný negizderi, Qazaqstan tarıhy pánderiniń oqý baǵdarlamasynda saılaý quqyǵy men elektoraldy proses boıynsha kýrstardy ulǵaıtý qajet», - dedi Mustafına. 

 

---