Qazaqstanda páter satý qıyn ári qymbat bolady: jańa ereje kimge áser etedi?
Qazaqstanda páter satý qıyn ári qymbat bolady: jańa ereje kimge áser etedi?
Qazaqstanda jyljymaıtyn múlik satý erejeleri ózgeredi. Sarapshylardyń aıtýynsha, bul ózgerister baspanany satý prosesin qıyndatyp qana qoımaı, naryqtaǵy baǵalarǵa da yqpal etýi múmkin.
Negizgi eki ózgeris:
🔹 Menshik merzimi uzarady. Qazir úıdi, páterdi nemese jer telimin 1 jyldan keıin satqan jaǵdaıda tabys salyǵy tólenbeıdi. Alaıda 2026 jyldan bastap bul merzim 2 jylǵa uzarady. Iaǵnı, múlikti eki jyldan erte satqan adam tabysynyń bir bóligin salyqqa berýge májbúr bolady.
🔹 Salyq mólsherlemesi kóteriledi. Qazir jyljymaıtyn múlikti 1 jyldan az ıelengen satýshylar 10% tabys salyǵyn tóleıdi. Jańa ereje boıynsha, quny 8 500 AEK-ten (búgingi baǵamen shamamen 33 mln teńgeden astam) qymbat nysandar úshin bul kórsetkish 15%-ǵa deıin kóteriledi. Qalǵan jaǵdaılarda burynǵy 10% mólsherleme saqtalady.
Sarapshylardyń pikirinshe, bul talaptar ınvestısıalyq maqsatta páter alyp-satatyn adamdardyń belsendiligin tómendetedi. Sonymen qatar, satý-satyp alý naryǵy baıaýlaýy múmkin.
Jańa erejeler 2026 jyldyń 1 qańtarynan bastap kúshine enedi, sondyqtan jyljymaıtyn múlik ıeleri aldyn ala áreket etkeni jón.
You Might Also Like
-
Reseıde demografıalyq quldyraý kúsheıip otyr. Osyǵan baılanysty Máskeý TMD elderinde turatyn etnıkalyq orystardy elge kóshirý baǵdarlamasyn qaıta jandandyrýǵa múddeli.
-
Almatyda Denıs Ten atyndaǵy kóshe ashylýy múmkin,- dep habarlaıdy Infohab tilshisi.
