InfoHub Logo

AQSH – Reseıge Komandor araldary úshin 15 mlrd dollar usyndy: Máskeý ashýly

AQSH pen Reseı arasynda taǵy bir geosaıası qaqtyǵys oshaǵy paıda boldy. Bul joly – Berıng teńizindegi Komandor araldary. AQSH Qarýly kúshteriniń podpolkovnıgi Djeffrı Frıs Reseıge bul arhıpelagty 15 mıllıard dollarǵa satyp alýdy usyndy. Ol mundaı mámile AQSH-tyń Arktıka aımaǵyndaǵy qaýipsizdigin arttyrady dep esepteıdi.

Komandor araldary – geografıalyq turǵydan mańyzdy aımaq. Olar Qytaıdyń sýasty qaıyqtary jıi júretin Tynyq muhıt joldaryna jaqyn ornalasqan. Frıstiń aıtýynsha, bul araldar Pentagon úshin áskerı turǵydan strategıalyq artyqshylyq beredi.

Alaıda Reseı bul usynysty birden joqqa shyǵardy. Syrtqy ister mınıstrliginiń resmı ókili Marıa Zaharova buny "qylmystyq áreket" dep baǵalady. Alaıda ol Máskeýdiń ózi 2005 jyly Qytaıǵa birneshe daýly shekaralyq jer telimderin tegin bergenin eske salǵan joq.

Saıası sarapshylardyń aıtýynsha, AQSH-tyń mundaı usynysy – ádettegi saýda kelisimi emes, geosaıası oıynnyń bir bóligi. Máskeýdiń muny emosıalyq ári ótkir qabyldaýy da kezdeısoq emes. Arktıka men Tynyq muhıtyndaǵy baqylaý úshin Batys pen Reseı arasyndaǵy báseke sońǵy jyldary kúsheıe tústi.